ಶಿವಮೊಗ್ಗ: ಗ್ರಾಮ ಪಂಚಾಯತ್ ಅಧ್ಯಕ್ಷೆ ಹಾಗೂ ಪಿಡಿಒ ಮೇಲೆ ಪೊಲೀಸ್ ಠಾಣೆಯಲ್ಲಿ ಹಲ್ಲೆ ನಡೆಸಿದ ಆರೋಪ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶಿವಮೊಗ್ಗದ ಗ್ರಾಮಾಂತರ ಠಾಣೆಯ ಪಿಎಸ್ಐ ನೂರ್ ಅಹಮದ್ರನ್ನು ಅಮಾನತು ಮಾಡಲಾಗಿದೆ.

ಹನಸವಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ರತ್ನ ಹಾಗೂ ಪಿಡಿಒ ಸ್ಟ್ಯಾನಿ ಫರ್ನಾಂಡಿಸ್ ಅವರ ಮೇಲೆ ಠಾಣೆಯಲ್ಲಿಯೇ ಪಿಎಸ್ಐ ಹಲ್ಲೆ ನಡೆಸಿದ್ದರು ಎಂಬ ಆರೋಪ ಕೇಳಿಬಂದಿತ್ತು. ಹಾಗಾಗಿ ಈ ಸಂಬಂಧ ದೂರು ದಾಖಲಾಗಿತ್ತು.

ದೂರು ದಾಖಲಾದ ಬೆನ್ನಲ್ಲೇ ಪಿಎಸ್ಐ ನೂರ್ ಅಹಮದ್ ಸೇರಿದಂತೆ ಇದೇ ಠಾಣೆಯ ಮುಖ್ಯ ಪೇದೆ ಸುರೇಶನನ್ನು ಅಮಾನತು ಮಾಡಿ ಎಸ್ಪಿ ಅಭಿನವ್ ಖರೆ ಆದೇಶ ಹೊರಡಿಸಿದ್ದಾರೆ.