ಸಿದ್ಧಕಟ್ಟೆ : ಕುಲಾಲ ಯಾನೆ ಕುಂಬಾರರ ಸಮಾಜ ಸೇವಾ ಸಂಘದ ವತಿಯಿಂದ ಆಗಸ್ಟ್ 25 ರಂದು ಸಿದ್ಧಕಟ್ಟೆ ಹೊಕ್ಕಾಡಿಗೋಳಿಯ ಶ್ರೀ ಕಟೀಲೇಶ್ವರೀ ಹೋಲೋ ಬ್ಲಾಕ್ನ ಸಭಾಂಗಣದಲ್ಲಿ ದಶಮಾನೋತ್ಸವ ಕಾರ್ಯಕ್ರಮ ಮತ್ತು ಶ್ರೀ ಸತ್ಯನಾರಾಯಣ ಪೂಜೆಯು ಜರುಗಿತು. ಈ ಕಾರ್ಯಕ್ರಮದಲ್ಲಿ ಪರಮ ಪೂಜ್ಯ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿಯವರು ಆಶೀರ್ವಚನಾ ಭಾಷಣವನ್ನು ಮಾಡಿದರು.

ಈ ಕಾರ್ಯಕ್ರಮದ ಉದ್ಘಾಟನೆಯನ್ನು ದ.ಕ. ಜಿಲ್ಲಾ ಮೂಲ್ಯರ ಯಾನೆ  ಕುಲಾಲರ ಸಂಘದ ಅಧ್ಯಕ್ಷರಾದ ಗಜಾನಂದ ತಾರೆತೋಟ ನೆರವೇರಿಸಿದರು. ಅಧ್ಯಕ್ಷತೆಯನ್ನು ಕರ್ನಾಟಕ ರಾಜ್ಯ ಕುಂಬಾರರ ಮಹಾಸಂಘದ ಜಿಲ್ಲಾಧ್ಯಕ್ಷರಾದ ಶ್ರೀ ಡಾ. ಜಯರಾಜ್ ಪ್ರಕಾಶ್ ನೆರವೇರಿಸಿದರು.

ಕುಲಾಲ ಸಮಾಜದ ಪ್ರತಿಭಾವಂತ ಮಕ್ಕಳಿಂದ ನೃತ್ಯ ಕಾರ್ಯಕ್ರಮ ನಡೆಯಿತು. ನಂತರ ಕುಲಾಲ ತಂಡದಿಂದ ಸಂತೋಷ್ ಕೂಳೂರು ರಚಿಸಿದ “ಮಗಕ್ ಕೈ  ಕೊರ್ ನ  ಅಮ್ಮೆರ್” ತುಳು ಕಿರು ಹಾಸ್ಯ ನಾಟಕ ಹಾಗೂ ಕುಲಾಲ ಸಮಾಜ ಬಾಂಧವರು ಮತ್ತು ಅತಿಥಿ ಕಲಾವಿದರಿಂದ “ಮಣ್ಣ್ದ ಮಾಣಿಕ್ಯ” ತುಳು ಯಕ್ಷಗಾನವನ್ನು ಪ್ರದರ್ಶಿಸಲಾಯಿತು.