ಮೂಡುಬಿದಿರೆ : ಆಳ್ವಾಸ್ ವಿಶ್ವ ನುಡಿಸಿರಿ ವಿರಾಸತ್ 2013 ಇದರ ಸರ್ವಾಧ್ಯಕ್ಷರಾದ ಡಾ. ಬಿ.ಎ ವಿವೇಕ ರೈ ಅವರಿಗೆ ನುಡಿಸಿರಿ ಸ್ವಾಗತ ಸಮಿತಿಯು ಅಧಿಕೃತ ಆಮಂತ್ರಣವನ್ನು ನೀಡಿದೆ. ಮಂಗಳೂರಿನಲ್ಲಿ ರೈಗಳ ಸುಯಿಲ್ ನಿವಾಸಕ್ಕೆ ತೆರಳಿದ ಸ್ವಾಗತ ಸಮಿತಿಯ ಅಧ್ಯಕ್ಷ ಕೆ.ಅಮರನಾಥ ಶೆಟ್ಟಿ, ಆಳ್ವಾಸ್ ಎಜುಕೇಶನ್ ಫೌಂಡೇಶನ್ನ ಟ್ರಸ್ಟಿ ವಿವೇಕ್ ಆಳ್ವ ಇವರನ್ನೊಳಗೊಂಡ ತಂಡ ಭೇಟಿಯಾಗಿ ಈ ಆಹ್ವಾನವನ್ನು ನೀಡಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಡಾ. ಬಿ.ಎ ವಿವೇಕ ರೈ ಈ ಬಾರಿಯ ಸಮ್ಮೇಳನ ಕನ್ನಡ ನಾಡು ನುಡಿಯ ಕುರಿತ ಅರ್ಥಪೂರ್ಣ ಚಿಂತನೆಯನ್ನು ಮೂಡಿಸಲಿ ಎಂದು ಹಾರೈಸಿದರು. ನಿಯೋಗದಲ್ಲಿ ಅಂಡಾರು ಗುಣಪಾಲ ಹೆಗ್ಡೆ, ಆಳ್ವಾಸ್ ಸಹ ಆಡಳಿತಾಧಿಕಾರಿ ಎನ್. ಆರ್ ಬಲ್ಲಾಳ್, ಪ್ರೊ.ಎ.ವಿ. ನಾವಡ, ಡಾ.ವಾಮನ ನಂದಾವರ, ಡಾ.ಸತ್ಯನಾರಾಯಣ ಮಲ್ಲಿಪಟ್ಟಣ, ಡಾ.ನರಸಿಂಹ ಮೂರ್ತಿ, ಕಾರ್ಯದರ್ಶಿ ಗಳಾದ ವೇಣುಗೋಪಾಲ ಶೆಟ್ಟಿ, ಡಾ.ಧನಂಜಯ ಕುಂಬ್ಳೆ, ಡಾ.ಯೋಗೀಶ್ ಕೈರೋಡಿ, ಟಿ.ಎ.ಎನ್ ಖಂಡಿಗೆ, ರಾಂಪ್ರಸಾದ್ ಕೆ, ಶಿವಪ್ರಸಾದ್, ನಾಗೇಶ್ ಕಲ್ಲೂರು ಮತ್ತಿತರರು ಇದ್ದರು.