- KANNADA MEGA MEDIA NEWS :: News Coverage From Mangalore and Major Cities of India and world wide - https://kannada.megamedianews.com -

ಒಂದು ಇಲಿ ಹಿಡಿಯೋಕ್ಕೆ 10,000 ರೂ.

Rat [1]

ಬೆಂಗಳೂರು : ಬಿಬಿಎಂಪಿ ಕೇಂದ್ರ ಕಚೇರಿ ಮತ್ತು ವಲಯ ಕಚೇರಿಯಲ್ಲೂ ಇಲಿಗಳ ಹಾವಳಿ ಹೆಚ್ಚಾಗಿದೆ. 6 ತಿಂಗಳಿಂದ ಇಲಿಗಳ ಕಾಟವನ್ನು ತಡೆಯಲು ಸಾಧ್ಯವಾಗದೇ ಬಿಬಿಎಂಪಿ ಅಧಿಕಾರಿಗಳು ತತ್ತರಿಸಿಹೋಗಿದ್ದಾರೆ. ಇಲಿಗಳನ್ನು ಹಿಡಿಯಲು ಬೆಕ್ಕುಗಳನ್ನು ಸಾಕುವುದಂತೂ ಬಿಬಿಎಂಪಿಗೆ ಸಾಧ್ಯವಾಗದ ಕೆಲಸ.

ಹೀಗಾಗಿ ಇಲಿಗಳನ್ನು ಹಿಡಿಯಲು ಮೂರು ಕಂಪನಿಗಳಿಗೆ ಟೆಂಡರ್ ನೀಡಲಾಗಿದ್ದು, ಒಂದು ಇಲಿ ಹಿಡಿಯಲು 10 ಸಾವಿರ ರೂ. ಖರ್ಚು ಮಾಡಲಾಗುತ್ತಿದೆ. 6 ತಿಂಗಳಲ್ಲಿ ಹಿಡಿಯಲಾದ ಇಲಿಗಳ ಸಂಖ್ಯೆ ಕೇವಲ 20 ಎಂದು ಹೇಳಲಾಗುತ್ತಿದೆ. 20 ಇಲಿಗಳನ್ನು ಹಿಡಿಯಲು ಸುಮಾರು 2 ಲಕ್ಷ ರೂ. ಖರ್ಚಾಗಿದೆ.

ಬಿಬಿಎಂಪಿ ಈ ಹಣವನ್ನು ಎರಡು ಹಂತಗಳಲ್ಲಿ ಬಿಡುಗಡೆ ಮಾಡಿದೆ. ಆದರೆ ನಿಜವಾಗಲೂ ಇಲಿಗಳನ್ನು ಹಿಡಿಯಲು ಇಷ್ಟೊಂದು ಹಣ ಖರ್ಚು ಮಾಡಲಾಗಿದೆಯೇ ಎನ್ನುವುದೇ ಪ್ರಶ್ನೆಯಾಗಿದೆ. ಅಧಿಕಾರಿಗಳು ತಾವು ಮಾಡಿದ ವೆಚ್ಚಕ್ಕೆ ಯಾವ ರೀತಿ ಲೆಕ್ಕತೋರಿಸುತ್ತಿದ್ದಾರೆ ಎನ್ನುವುದಕ್ಕೆ ಇದೊಂದು ಅಪ್ಪಟ ಉದಾಹರಣೆಯಾಗಿದೆ.