ಕುಂಬಳೆ: ಕುಂಬಳೆ ಸೀಮೆಯ ನಾಲ್ಕು ಪ್ರಧಾನ ಕ್ಷೇತ್ರಗಳಲ್ಲೊಂದಾದ ಕಣಿಪುರ ಶ್ರೀಗೋಪಾಲಕೃಷ್ಣ ಕ್ಷೇತ್ರದಲ್ಲಿ 4ನೇ ಶ್ರೀಮದ್ಬಾಗವತ ಸಪ್ತಾಹ ಯಜ್ಞಕ್ಕೆ ಗುರುವಾರ ಸಂಜೆ ವಿದ್ಯುಕ್ತ ಚಾಲನೆ ನೀಡಲಾಯಿತು.

ಕ್ಷೇತ್ರದ ತಂತ್ರಿವರ್ಯ ಬ್ರಹ್ಮಶ್ರೀ ದೇಲಂಪಾಡಿ ಬಾಲಕೃಷ್ಣ ತಂತ್ರಿಗಳು ದೀಪ ಪ್ರಜ್ವಲನೆಗೊಳಿಸಿ ಯಜ್ಞಾರಂಭಕ್ಕೆ ಚಾಲನೆ ನೀಡಿದರು.ಬಳಿಕ ಶ್ರೀಮದ್ಭಾಗವತ ಮಹಾತ್ಮ್ಯೆಯ ಬಗ್ಗೆ ಬ್ರಹ್ಮಶ್ರೀ ವಟ್ಟಪ್ಪರಂಬ ಉಣ್ಣಿಕೃಷ್ಣನ್ ನಂಬೂದಿರಿ ಹಾಗೂ ಬ್ರಹ್ಮಶ್ರೀ ಪುತ್ತೂರು ಕೇಕಣಾಜೆ ಕೇಶವ ಭಟ್ ರಿಂದ ಪ್ರವಚನ,ವಿವರಣೆಗಳು ನಡೆದವು.ಕಾರ್ಯಕ್ರಮಕ್ಕೂ ಮೊದಲು ಕುಂಬಳೆ ಶ್ರೀ ಅಯ್ಯಪ್ಪ ಕ್ಷೇತ್ರ ಪರಿಸರದಿಂದ ಆಚಾರ್ಯರಿಗೆ ಭವ್ಯ ಸ್ವಾಗತ ನೀಡಿ ಕ್ಷೇತ್ರಕ್ಕೆ ಬರಮಾಡಿಕೊಳ್ಳಲಾಯಿತು.ಸಪ್ತಾಹವು ಪ್ರತಿನಿತ್ಯ ಸಂಜೆ ಫೆ.11ರ ವರೆಗೆ ನಡೆಯಲಿದೆ.