ಮಂಗಳೂರು :ಎಕ್ಸ್‌ಪರ್ಟ್‌ ಎಜ್ಯುಕೇಶನಲ್‌ ಆಂಡ್‌ ಚಾರಿಟೇಬಲ್ ಫೌಂಡೇಶನ್‌ ಮಂಗಳೂರು ಇವರಿಂದ ಮಂದಾರದ ಸಂತ್ರಸ್ತರಿಗೆ ಒಟ್ಟು ಮೊತ್ತ 4,00,000 ರೂಪಾಯಿ ಚೆಕ್ ವಿತರಿಸಿದರು.

ಆಗಸ್ಟ್ ತಿಂಗಳಿನಲ್ಲಿ ಸುರಿದ ಬಾರೀ ಮಳೆಗೆ ಪಚ್ಚನಾಡಿ ಡಂಪಿಂಗ್‌ ಯಾರ್ಡ್‌ನಿಂದ ತ್ಯಾಜ್ಯರಾಶಿಯು ಕುಡುಪು ಸಮೀಪದ ಮಂದಾರ ಪ್ರದೇಶಕ್ಕೆಪ್ರವಾಹ  ರೀತಿಯಲ್ಲಿ ಹರಿದಿತ್ತು. ಆಗ ಮಂದಾರ ಪ್ರದೇಶ ವ್ಯಾಪಿಯಲ್ಲಿ ಹರಡಿದ ವಸ್ತು ಸ್ಥಿತಿಯನ್ನು ಗಮನಿಸಿ ತಕ್ಷಣವೇನಾವು ಸಾಮಾಜಿಕವಾದ ಬದ್ಧತೆಯಿಂದ ಸಂಸ್ಥೆಯ ಉಪನ್ಯಾಸಕರನ್ನು ಸ್ಥಳಕ್ಕೆಕಳುಹಿಸಿ ಗ್ರಾಮಸ್ಥರನ್ನು ಭೇಟಿ ಮಾಡಿ ಆತ್ಮಸ್ಥೈರ್ಯವನ್ನು ತುಂಬಿದ್ದೆವು.ಅಷ್ಟೇ ಅಲ್ಲದೇ ಮುಂದಿನ ದಿನಗಳಲ್ಲಿ ನಮ್ಮ ಕೈಲಾಗುವ ಸಹಾಯ ನೀಡಲಾಗುವುದು ಎಂದು ಎಕ್ಸ್‌ಪರ್ಟ್ ಶಿಕ್ಷಣ ಸಂಸ್ಥೆಯು ಭರವಸೆಯನ್ನು ನೀಡಿತ್ತು.

ಅದರಂತೆ 26 ಅಂತಹ ಸಂತ್ರಸ್ತ ಕುಟುಂಬಗಳನ್ನು ನಾವು ಗುರುತಿಸಿ ಇಂದು ಆಗಮಿಸಿರುವ ಆ. 26 ಕುಟುಂಬಗಳಿಗೂ ಸಹಾಯ ಮಾಡುವರೇ ಎಕ್ಸ್‌ಪರ್ಟ್‌ಎಜ್ಯುಕೇಶನಲ್‌ ಆಂಡ್‌ ಚಾರಿಟೇಬಲ್ ಫೌಂಡೇಶನ್‌ ವತಿಯಿಂದ ಒಟ್ಟುಮೊತ್ತ 4,00,000 ರೂಪಾಯಿ ಚೆಕ್ ಮೂಲಕ ನೀಡುತ್ತಿದ್ದೇವೆ. ಈ ರೀತಿಯ ಪರಿಹಾರವನ್ನು ನೀಡುವುದರಜತೆಗೆ ನಾವು ನಿಮ್ಮೊಂದಿಗೆಇದ್ದೇವೆಎಂದುಈ ಮೂಲಕ ಹೇಳುತ್ತೇನೆ.

ಮುಂದಿನ ದಿನಗಳಲ್ಲಿ ಇಲ್ಲಿನ ಸಂತ್ರಸ್ಥರಿಗೆ ಇನ್ನಿತರ ಸಂಸ್ಥೆಗಳು ಮತ್ತು ಸರಕಾರವು ಕೂಡ ಇನ್ನಷ್ಟು ಸಹಕಾರವನ್ನು ನೀಡುವಂತೆ ನಾವು ಒತ್ತಾಯಿಸುತ್ತೇವೆ.

ಈ ಕಾರ್ಯಕ್ರಮದಲ್ಲಿ ಎಕ್ಸ್‌ಪರ್ಟ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರಾದ ಪ್ರೊ.ನರೇಂದ್ರಎಲ್.ನಾಯಕ್, ಎಕ್ಸ್‌ಪರ್ಟ್ ಶಿಕ್ಷಣ ಸಂಸ್ಥೆಯ ಉಪಾಧ್ಯಕ್ಷೆಯಾಗಿರುವ ಡಾ.ಉಷಾಪ್ರಭಾಎನ್. ನಾಯಕ್, ಆರ್ಕಿಟೆಕ್ಟ್ ಶ್ರೀಮತಿ ದೀಪಿಕಾ ಎ. ನಾಯಕ್, ಕೊಡಿಯಾಲ್‌ ಬೈಲ್‌ ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ.ರಾಮಚಂದ್ರ ಭಟ್, ವಳಚ್ಚಿಲ್ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಎನ್.ಕೆ.ವಿಜಯನ್ ಹಾಗೂ ಉಪ ಪ್ರಾಂಶುಪಾಲರಾದ ಶ್ರೀ ರಾಘವೇಂದ್ರ ಶೆಣೈ, ಕೊಡಿಯಾಲ್‌ ಬೈಲ್‌ ಕಾಲೇಜಿನ ಕನ್ನಡ ವಿಭಾಗದ ಮುಖ್ಯಸ್ಥರಾದ ಕರುಣಾಕರ ಬಳ್ಕೂರು ಇನ್ನಿತರರು ಉಪಸ್ಥಿತರಿದ್ಧರು.