[1]ಹುಬ್ಬಳ್ಳಿ : ಲಾಕ್‌ ಡೌನ್‌ ಹಿನ್ನೆಲೆಯಲ್ಲಿ ಬಂದ್‌ ಆಗಿದ್ದ ಹುಬ್ಬಳ್ಳಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಜೂ.೨೪ ರಿಂದ ವಿಮಾನ ಸಂಚಾರ ಆರಂಭಿಸಲು ಇಂಡಿಗೋ ಏರಲೈನ್ಸ್‌ ಸಿದ್ಧತೆ ನಡೆಸಿದೆ.
ಈ ಕುರಿತು ಮಾಹಿತಿ ನೀಡಿರುವ ಹುಬ್ಬಳ್ಳಿ ವಿಮಾನ ನಿಲ್ದಾಣ ನಿರ್ದೇಶಕ ಪ್ರಮೋದ್‌ ಠಾಕ್ರೆ, ಹುಬ್ಬಳ್ಳಿ-ಕಣ್ಣೂರು ಮತ್ತು ಹುಬ್ಬಳ್ಳಿ- ಗೋವಾ ವಿಮಾನ ಸಂಚಾರಕ್ಕೆ ಅವಶ್ಯಕತೆಯಿರುವಷ್ಟು ಪ್ರಯಾಣಿಕರು ಬಂದರೆ ವಿಮಾನ ಹಾರಲಿವೆ ಎಂದಿದ್ದಾರೆ.
ಈ ಹಿಂದೆಯೂ ವಿಮಾನ ಪ್ರಯಾಣ ಆರಂಭಿಸಲು ಪ್ರಯತ್ನಿಸಲಾಗಿತ್ತು ಆದರೆ ಸೂಕ್ತ ಪ್ರಮಾಣದಲ್ಲಿ ಪ್ರಯಾಣಿಕರು ಬರದೇ ಇರದ್ದರಿಂದ ಬಂದ್‌ ಮಾಡಲಾಗಿತ್ತು.
ಲಾಕ್‌ ಡೌನ್‌ ಹಿನ್ನೆಲೆಯಲ್ಲಿ ನಿರೀಕ್ಷೆಯಷ್ಟು ಪ್ರಯಾಣಿಕರು ಬಂದರೆ ವಿಮಾನ ಸಂಚಾರ ಆರಂಭಿಸಲಾಗುವುದು ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.