ಅದೇನೊ ಮೋಡಿ ಮಾಡಿರುವೆ !

^[1]ನೀನು ಅದೇನೊ ಮೋಡಿ ಮಾಡಿರುವೆ !

ಈ ಹೃದಯಕೆ; ಅದಕ್ಕೆ ನಿನ್ನದೆ ಕನವರಿಕೆ

ಬೀಸುವ ಗಾಳಿಯಲಿ ನಿನ್ನ ಒಲವಿನ ಬೆರುಕೆ

ಈ ತಣ್ಣನೆಯ ತಂಪು ಮುತ್ತಿಟ್ಟಂತೆ;

ಭಾಸವಾಗುತ್ತಿದೆ ಹೂ ಮನಕೆ

ನೀನು ಅದೇನೊ ಮೋಡಿ ಮಾಡಿರುವೆ !

ಬಣ್ಣ ಹಚ್ಚಿ ಗೆಜ್ಜೆ ಕಟ್ಟಿ ಕುಣಿತಿರುವೆ

ಮನದಲಿ ಚುಕ್ಕಿಗಳಿಟ್ಟು;  ಚಿತ್ರ ಬಿಡಿಸಿರುವೆ

ಚೈತ್ರಕ್ಕೆ ಸೂತ್ರ ಕಟ್ಟಿ; ಭಾನಲ್ಲಿ ತೇಲಿಬಿಟ್ಟು

ಆಡಿ ನಲಿದಿರುವೆ

ನೀನು ಅದೇನೊ ಮೋಡಿ ಮಾಡಿರುವೆ !

ನನ್ನ ಒನಪು ವಯ್ಯಾರ ಶೃಂಗಾರಕೆ

ಕಾರಣ ನೀನೆ ಆಗಿರುವೆ

ನನ್ನ ಚೆಲುವನ್ನು ನಿನ್ನ ಕಿರುನಗೆಯ,

ಕನ್ನಡಿಯಲ್ಲಿ ಕಂಡು ನಾಚಿರುವೆ

ನೀನು ಅದೇನೊ ಮೋಡಿ ಮಾಡಿರುವೆ !

ನನ್ನ ಬಂಧಿಸಲು ಬಳಸಿದ ಎಲ್ಲಾ

ಬೀಗಗಳನು; ಮುರಿದು ಬಂದಿರುವೆ

ಪ್ರೇಮ ಪ್ರವಾಹವಾಗಿ ಹರಿಯುತ್ತಿರುವಾಗ

ಗಡಿರೇಖೆಗಳ ಮೀರಿ ಬಂದಿರುವೆ

ಪರಶುರಾಮ್ ಎಸ್ ನಾಗೂರು

ಶಕ್ತಿನಗರ 9901279334