[1]ಮಡಿಕೇರಿ : ಮಡಿಕೇರಿ ತಾಲೂಕಿನ ಗ್ರಾಪಂ ಸದಸ್ಯೆ ಮತ್ತು ಆಕೆಯ ಸಂಬಂಧಿ ಮೃತದೇಹ ನೇಣು ಬಿಗಿದ ಸ್ಥಿತಿಯಲ್ಲಿ ಅದೇ ಗ್ರಾಮದ ಗುಡ್ಡದ ಮರವೊಂದರಲ್ಲಿ ಗುರುವಾರ ಬೆಳಗ್ಗೆ ಪತ್ತೆಯಾಗಿದೆ.
ಮೃತರನ್ನು ಚೆಂಬು ಗ್ರಾಪಂ ಸದಸ್ಯೆ ಕಮಲಾ(35) ಹಾಗೂ ಆಕೆಯ ಸಂಬಂಧಿಕ ಮುತ್ತು (50) ಎಂದು ಗುರುತಿಸಲಾಗಿದೆ.
ಸೆ.15ರ ಸಂಜೆಯಿಂದ ಇವರಬ್ಬರು ದಬ್ಬಡ್ಕ ಗ್ರಾಮದಿಂದ ನಾಪತ್ತೆಯಾಗಿದ್ದು, ಗ್ರಾಮಸ್ಥರು ಹುಡುಕಿದರೂ ಸಿಕ್ಕಿರಲಿಲ್ಲ. ಇಂದು ಬೆಳಗ್ಗೆ ಮರದಲ್ಲಿ ಇಬ್ಬರ ಮೃತದೇಹ ಪತ್ತೆಯಾಗಿದೆ. ಗ್ರಾಪಂ ಸದಸ್ಯೆ ಕಮಲಾ ವಿವಾಹಿತೆಯಾಗಿದ್ದು, ಒಂದು ಮಗುವಿದೆ. ಮೃತ ಮುತ್ತು ಕಮಲಾ ಅವರ ಸಂಬಂಧಿಕರಾಗಿದ್ದಾರೆ.
ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.