[1]ಮಂಗಳೂರು : ಭಾರತದ ಪ್ರಮುಖ ವಿಮಾನ ಯಾನ ಸಂಸ್ಥೆಗಳಾದ ಏರ್ ಇಂಡಿಯಾ ಹಾಗು ಜೆಟ್ ಏರ್ ವೇಸ್ ಸಂಸ್ಥೆಗಳು ಮಂಗಳೂರು – ದುಬಾಯಿಗೆ ಪ್ರಾರಂಭಿಸಿದ್ದ ತಮ್ಮ ವಿಮಾನ ಯಾನದ ಸಮಯವನ್ನು ಬದಲಿಸಿದ್ದು ಇದು ಮಾರ್ಚ್ ೩೧ ರಿಂದ ಜಾರಿಗೆ ಬರಲಿದೆ.
ಏರ್ ಇಂಡಿಯಾ ಎಕ್ಸ್ ಪ್ರೆಸ್ ನ ಎರಡು ವಿಮಾನಗಳಲ್ಲಿ ಮೊದಲ ವಿಮಾನವು ದುಬಾಯಿಯಿಂದ ಮುಂಜಾನೆ ಬೆಳಿಗ್ಗೆ 4.25 ಕ್ಕೆ ಹೊರಟು ಬೆಳಿಗ್ಗೆ 9.30 ಕ್ಕೆ ಮಂಗಳೂರು ತಲುಪಲಿದೆ. ಎರಡನೇ ವಿಮಾನದ ಸಮಯವನ್ನು ಬದಲಿಸದೇ ಇದ್ದು, ಈ ವಿಮಾನವು ದುಬಾಯಿಯಿಂದ ಮದ್ಯಾಹ್ನ 12.10 ಕ್ಕೆ ಹೊರಟು ಮಂಗಳೂರಿನಲ್ಲಿ ಸಂಜೆ 5.25 ಕ್ಕೆ ತಲುಪಲಿದೆ.
ಜೆಟ್ ಏರ್ ವೇಸ್ ನ ವಿಮಾನಗಳು ದುಬಾಯಿಯಿಂದ ಮುಂಜಾನೆ 2.20ಕ್ಕೆ ಹೊರಟು ಬೆಳಿಗ್ಗೆ 7.35ಕ್ಕೆ ಮಂಗಳೂರಿಗೆ ತಲುಪಲಿದೆ. ಮಂಗಳೂರಿನಿಂದ ರಾತ್ರಿ 11.05 ಕ್ಕೆ ಹೊರಡುವ ವಿಮಾನವು ರಾತ್ರಿ 1.20ಕ್ಕೆ ತಲುಪಲಿದೆ ಎಂದು ಕಂಪನಿಯ ಪ್ರಕಟನೆಗಳು ತಿಳಿಸಿವೆ.