ಬದಿಯಡ್ಕ:ಸ್ಥಳೀಯ ಪತ್ರಕರ್ತರ ಸಂಘಟನೆ ಬದಿಯಡ್ಕ ಪ್ರೆಸ್ ಪೋರಂ ಸಭೆ ಬದಿಯಡ್ಕದಲ್ಲಿ ಶುಕ್ರವಾರ ನಡೆಯಿತು. ಬದಿಯಡ್ಕ ಪ್ರೆಸ್ ಪೋರಂ ಅಧ್ಯಕ್ಷ ಗಂಗಾಧರ ಪಳ್ಳತ್ತಡ್ಕ ಅಧ್ಯಕ್ಷತೆ ವಹಿಸಿದ್ದರು. ಸಭೆಯಲ್ಲಿ ಸದಸ್ಯತ್ವ ನವೀಕರಣ,ನೂತನ ಸದಸ್ಯರಿಗೆ ಸದಸ್ಯತ್ವ,ಸಾಮಾಜಿಕ ವಿಚಾರಗಳಲ್ಲಿ ಬರವಣಿಗೆಯ ಸವಾಲುಗಳು ಹಾಗೂ ಭದ್ರತೆಯ ವಿಷಯಗಳ ಬಗ್ಗೆ ಚರ್ಚಿಸಿ ಅನುಸರಿಸಬೇಕಾದ ಕ್ರಮಗಳ ಬಗ್ಗೆ ನಿರ್ಣಯ ಕೈಗೊಳ್ಳಲಾಯಿತು. ಪ್ರೆಸ್ ಪೋರಂ ಜಿಲ್ಲಾ ಅಧ್ಯಕ್ಷ ಅಶೋಕ ನೀರ್ಚಾಲು ಉಪಸ್ಥಿತರಿದ್ದು ಮಾರ್ಗದರ್ಶನ ನೀಡಿದರು. ಪತ್ರಕರ್ತರಾದ ಶಿವಶಂಕರ ಪೆರ್ಲ,ರವೀಂದ್ರ ರೈ ಮಲ್ಲಾವರ,ಪುರುಷೋತ್ತಮ ಭಟ್ ಕೆ,ಅಖಿಲೇಶ್ ಯಾದವ್ ಮೊದಲಾದವರು ಉಪಸ್ಥಿತರಿದ್ದರು.

ಕುಂಬಳೆ: ಮೊಗ್ರಾಲ್ ಕಡವತ್ತಿನಲ್ಲಿ ಅನಧಿಕೃತವಾಗಿ ಮರಳು ಸಾಗಾಟದ ಬಗ್ಗೆ ಪತ್ತೆಹಚ್ಚುವ ಕಾರ್ಯಾಚರಣೆಗೆ ಕಂದಾಯ ಅಧಿಕಾರಿಗಳು ಮಂಗಳವಾರ ರಾತ್ರಿ ಮಿಂಚಿನ ಧಾಳಿ ನಡೆಸಿದ್ದು ಅಧಿಕಾರಿಗಳನ್ನು ಕಂಡು ಇಬ್ಬರು ಮರಳು ಸಾಗಾಟದಾರರು ಹೊಳೆಗೆ ಹಾರಿ ತಪ್ಪಿಸಿಕೊಂಡ ಘಟನೆ ನಡೆದಿದೆ. ಮಂಗಳವಾರ ರಾತ್ರಿ ಮಂಜೇಶ್ವರ ತಹಶೀಲ್ದಾರ್ ಕೆ.ಶಶಿಧರ ಶೆಟ್ಟಿ ನೇತೃತ್ವದಲ್ಲಿ ಕಂದಾಯ ಅಧಿಕಾರಿಗಳು ಕಡವಿಗೆ ಧಾಳಿ ನಡೆಸಿದರು.ಧಾಳಿಯ ವೇಳೆ ಮರಳು ಸಂಗ್ರಹಿಸುತ್ತಿದ್ದ ಇಬ್ಬರು ಹೊಳೆಗೆ ಹಾರಿ ಪರಾರಿಯಾಗಿದ್ದು,100 ಗೋಣಿಚೀಲಗಳಲ್ಲಿ ಸಂಗ್ರಹಿಸಲಾಗಿದ್ದ ಮರಳು ಹಾಗೂ ಮರಳು ಸಂಗ್ರಹಕ್ಕೆ ಬಳಸಿದ ಮೂರು ನಾಡ ದೋಣಿಗಳನ್ನು […]