ಮಂಜೇಶ್ವರ: ವ್ಯಾಪಾರಿ ವ್ಯಸಾಯಿ ಏಕೋಪನಾ ಸಮಿತಿ ಹಮ್ಮಿಕೊಂಡ ವ್ಯಾಪಾರಿ ದಿನಾಚರಣೆಯ ಜಿಲ್ಲಾ ಮಟ್ಟದ ಉದ್ಘಾಟನೆ ಮಂಗಳವಾರ ಬೆಳಿಗ್ಗೆ ಉಪ್ಪಳದಲ್ಲಿ ನಡೆಯಿತು.

ಕೆವಿವಿಇಎಸ್ ಉಪ್ಪಳ ಘಟಕದ ಉಪ್ಪಳದಲ್ಲಿರುವ ವ್ಯಾಪಾರ ಭವನದಲ್ಲಿ ನಡೆದ ಕಾರ್ಯಕ್ರಮವನ್ನು ಜಿಲ್ಲಾ ಪಧಾನ ಕಾರ್ಯದರ್ಶಿ ಟಿ. ಎಂ. ಜೋಸ್ ತಯ್ಯಿಲ್ ಉದ್ಘಾಟಿಸಿದರು.

ಉಪ್ಪಳ ಘಟಕದ ಅಧ್ಯಕ್ಷ ಮೊಹಮ್ಮದ್ ರಫೀಕ್ ಕೆ.ಐ ಅಧ್ಯಕ್ಷತೆ ವಹಿಸಿದರು. ಕಾರ್ಯಕ್ರಮದ ಅಂಗವಾಗಿ ಉಪ್ಪಳ ಹನಫಿ ಬಜಾರ್‌ನಿಂದ ಉಪ್ಪಳ ವ್ಯಾಪಾರ ಭವನವರೆಗೆ ವ್ಯಾಪಾರಿಗಳಿಂದ ಮೆರವಣಿಗೆ ನಡೆಯಿತು.

ಈ ವೇಳೆ ವ್ಯಾಪಾರಿಗಳ ಯೂತ್ ವಿಂಗ್ ವತಿಯಿಂದ ಸಾರ್ವಜನಿಕರಿಗೆ ಪಾಯಸ ವಿತರಿಸಲಾಯಿತು.