ಪುತ್ತೂರು : ಸುಖ-ದುಃಖಗಳಲ್ಲಿ ಸದಾ ಜೊತೆಯಾಗಿ ನಿಲ್ಲುವ ಉದ್ದೇಶ ಹೊಂದಿರುವ ಮಂಗಳೂರು ಕೊಡಿಯಾಲ್ ಬೈಲ್ನ ‘ವಿಪ್ರ ಸಮಾಗಮ ವೇದಿಕೆ’ ವತಿಯಿಂದ ಆಗಸ್ಟ್ 2 ರಂದು ಪುತ್ತೂರಿನ ‘ಶಿವಸದನ’ ಹಿರಿಯ ನಾಗರಿಕರ ಹಾಗೂ ವಿಶೇಷ ಚೇತನರ ವಸತಿ ನಿಲಯದಲ್ಲಿ ಅರ್ಥಪೂರ್ಣ ಸಾಮಾಜಿಕ ಸೇವಾ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ನಾನಾ ರೀತಿಯ ಮನೋರಂಜನಾ ಚಟುವಟಿಕೆಗಳು, ಪ್ರೇರಣಾದಾಯಕ ಮಾತುಗಳು, ಆಶ್ರಮವಾಸಿಗಳಿಗೆ ದೇಣಿಗೆ ವಿತರಣೆ ಹಾಗೂ ಪ್ರೀತಿಯ ಸ್ನೇಹಕೂಟ ಭೋಜನದ ಮೂಲಕ ವೃದ್ಧಾಶ್ರಮದ ನಿವಾಸಿಗಳಿಗೆ ತೀವ್ರ ಸಂತಸ ಮೂಡಿಸಲಾಯಿತು.
ಈ ಶುಭ ಸಂದರ್ಭದಲ್ಲಿ ಆಗಮಿಸಿದ ಪ್ರಮುಖರನ್ನು ಶಿವಸದನ ಚಾರಿಟಬಲ್ ಟ್ರಸ್ಟ್ನ ಅಧ್ಯಕ್ಷೆ ಸುಮಂಗಲಾ ಪ್ರಭಾಕರ, ಕಾರ್ಯದರ್ಶಿ ಹಾಗೂ ಹಿರಿಯ ಸಮಾಜ ಸೇವಕ ಕರುಣಾಕರ ಬೆಳ್ಳೆ, ಗೌರವಾಧ್ಯಕ್ಷ ರಘುನಾಥ ರಾವ್, ಟ್ರಸ್ಟಿ ಶ್ರೀಕಾಂತ್ ರಾವ್, ಕೋಶಾಧಿಕಾರಿ ದಿನಕರ ರಾವ್, ಚೇತನ್ ಶರ್ಮಾ, ಸಂತೋಷ ರಾವ್ ಹಾಗೂ ಸುಮತಿ ಅವರು ಅತ್ಯಂತ ಆದರ-ಸತ್ಕಾರಗಳಿಂದ ಸ್ವಾಗತಿಸಿದರು.
ಮಾನವೀಯತೆಯ ಹಾದಿಯಲ್ಲಿ ಹಿರಿಯರಿಗೆ ಸಲ್ಲಿಸುವ ಸೇವೆಯು ಸಾಕ್ಷಾತ್ ದೇವರ ಪೂಜೆಗೆ ಸಮಾನವಾದದ್ದು ಎಂದು ವೇದಿಕೆಯ ಗೌರವ ಸಲಹೆಗಾರರು ಹಾಗೂ ಶಾರದಾ ವಿದ್ಯಾ ಸಂಸ್ಥೆಗಳ ಸಮೂಹದ ಅಧ್ಯಕ್ಷರಾದ ಡಾ. ಎಂ.ಬಿ. ಪುರಾಣಿಕರು ಕಾರ್ಯಕ್ರಮಕ್ಕೆ ಶುಭ ಹಾರೈಸಿ ಅಭಿಪ್ರಾಯಪಟ್ಟರು.
ಇದೇ ವೇಳೆ ಕಲ್ಕೂರ ಪ್ರತಿಷ್ಠಾನದ ಅಧ್ಯಕ್ಷರಾದ ಎಸ್. ಪ್ರದೀಪ ಕುಮಾರ ಕಲ್ಕೂರ ಅವರು ಸಂದರ್ಭೋಚಿತವಾಗಿ ಮಾತನಾಡಿದರು. ವೇದಿಕೆಯ ಸದಸ್ಯರು ಸಾಗಿಸಿದ ಸುಶ್ರಾವ್ಯ ಗಾಯನ, ನೃತ್ಯ, ಯಕ್ಷ ನೃತ್ಯ, ಭರತನಾಟ್ಯ ಹಾಗೂ ಕೊಳಲು ವಾದನ ಸೇರಿದಂತೆ ವಿವಿಧ ಸಾಂಸ್ಕೃತಿಕ ವೈವಿಧ್ಯಗಳು ಅಲ್ಲಿನ ನಿವಾಸಿಗಳ ಮನಸೆಳೆದವು.
ಸಮಾರಂಭದಲ್ಲಿ ಪ್ರಮುಖರಾದ ಪ್ರಭಾಕರ ರಾವ್ ಪೇಜಾವರ, ಪಿ. ರಾಮಕೃಷ್ಣ ರಾವ್, ಪ್ರಕಾಶ್ ರಾವ್, ಶ್ರೀಪತಿ ಪಿ. ಆರ್., ಹಾಗೂ ವಿನೋದಾ. ಎ. ರಾವ್, ಕಾತ್ಯಾಯಿನಿ ರಾವ್, ಸುನಂದಾ ಪುರಾಣಿಕ, ಶುಭಾ ಜಯರಾಮ್ ಭಟ್, ಸುಲೋಚನಾ ಭಟ್, ಶಶಿಪ್ರಭಾ ಐತಾಳ್, ಶೀಲಾ ಜಯಪ್ರಕಾಶ್, ವಂದನಾ ಸುರೇಶ್, ಶುಭಾ ಶೇಷಾದ್ರಿ, ಅರುಣಾ ಸೋಮಶೇಖರ್, ಶೈಲಜಾ ಶ್ರೀಕಾಂತ್ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು.
ಶಿವಸದನದ ಸಮಾಜಮುಖಿ ಚಟುವಟಿಕೆಗಳನ್ನು ಮುಕ್ತಕಂಠದಿಂದ ಶ್ಲಾಘಿಸಿದ ವಿಪ್ರ ಸಮಾಗಮ ವೇದಿಕೆಯ ಅಧ್ಯಕ್ಷ ಶೇಷಾದ್ರಿ ಭಟ್ ಅವರು ಕೃತಜ್ಞತೆ ಸಲ್ಲಿಸಿದರು. ಕೊನೆಯಲ್ಲಿ ಕೋಶಾಧಿಕಾರಿ ಪೂರ್ಣಿಮಾ ಪ್ರಭಾಕರ ರಾವ್ ಪೇಜಾವರ ಅವರು ಇಡೀ ಕಾರ್ಯಕ್ರಮವನ್ನು ಅಚ್ಚುಕಟ್ಟಾಗಿ ಸಂಯೋಜಿಸಿ ನಿರೂಪಿಸಿದರು.
Recommended for you
-
540
-
1.4K
-
1.2K
ಪ್ರತಿಕ್ರಿಯೆ ನೀಡಿ
ಪ್ರತಿಕ್ರಿಯೆ ನೀಡಿ
Posted in: ಪ್ರಾದೇಶಿಕ ಸುದ್ದಿಗಳು, ಸುದ್ದಿಗಳು
