ಕುಂದಾಪುರ : ನಕ್ಸಲ್ ಚಟುವಟಿಕೆಯಲ್ಲಿ ಭಾಗಿಯಾಗಿದ್ದಾಳೆ ಎಂಬ ಆರೋಪದಡಿ ಬಂಧನಕ್ಕೆ ಒಳಗಾಗಿ, ಕುಂದಾಪುರ ಜೆ.ಎಮ್.ಎಫ್.ಸಿ. ನ್ಯಾಯಾಲಯದಲ್ಲಿ ಸುಮಾರು ಹತ್ತು ಪ್ರಕರಣಗಳಲ್ಲಿ ಸಿಲುಕಿ ಎರಡೂವರೆ ವರ್ಷ ಜೈಲುವಾಸ ಶಿಕ್ಷೆಯನ್ನು ಪಡೆದಿದ್ದ ಹೊರಲೆ ಸರೋಜಾಳ ಕೊನೆ ಪ್ರಕರಣದ  ವಿಚಾರಣೆಯು ಕುಂದಾಪುರ ನ್ಯಾಯಾಲಯದಲ್ಲಿ  ಶುಕ್ರವಾರ ನಡೆಯಿತು.

ಹೊರಲೆ ಸರೋಜಾಳ ಮೇಲೆ ಈ ಹಿಂದೆ  ಒಟ್ಟು ೧೦ ಪ್ರಕರಣಗಳು ದಾಖಲಾಗಿತ್ತು. ಎಲ್ಲಾ ಹತ್ತು ಪ್ರಕರಣಗಳಲ್ಲಿ  ಈ ಹಿಂದೆ ಸಾಕ್ಷ್ಯಾಧಾರಗಳಿಲ್ಲದೇ ೯ ಪ್ರಕರಣಗಳು ಖುಲಾಸೆಗೊಂಡಿದ್ದು ಬಾಕಿ ಉಳಿದ ಒಂದು ಪ್ರಕರಣದ ವಿಚಾರಣೆ ಮಾರ್ಚ್ ೨೨ ಶುಕ್ರವಾರ ನಿನ್ನೆ  ನಡೆದಿದ್ದು ಆ ಪ್ರಕರಣವೂ ಸಾಕ್ಷಿ ಆಧಾರದ ಕೊರತೆಯಿಂದ ಬಿದ್ದು ಹೋಯಿತು. ಆರೋಪಿ ಪರ ನ್ಯಾಯವಾದಿ ಪ್ರಕಾಶ್ಚಂದ್ರ ಹೆಗ್ಡೆ ವಾದಿಸಿದ್ದರು.