14 ವಾರೆಂಟ್ ಹೊರಡಿಸಿದ್ರೂ ಸಿಗದ ಚಾಣಾಕ್ಷ ಆರೋಪಿ ಕ ಕೊನೆಗೂ ಕಂಕನಾಡಿ ಪೊಲೀಸರ ಬಲೆಗೆ!

By Editor

Posted on July 13, 2026

153

Accused wanted in 14 warrants arrested near Balehonnur by Kankanady police 14 ವಾರೆಂಟ್ ಹೊರಡಿಸಿದ್ರೂ ಸಿಗದ ಚಾಣಾಕ್ಷ ಆರೋಪಿ ಕ ಕೊನೆಗೂ ಕಂಕನಾಡಿ ಪೊಲೀಸರ ಬಲೆಗೆ!

ಮಂಗಳೂರು : ನ್ಯಾಯಾಲಯದಿಂದ ಸರಣಿ ದಸ್ತಗಿರಿ ವಾರೆಂಟ್‌ಗಳು ಜಾರಿಯಾಗಿದ್ದರೂ, ಪದೇ ಪದೇ ತನ್ನ ವಾಸಸ್ಥಳ ಬದಲಾಯಿಸುತ್ತಾ ಪೊಲೀಸರ ಕಣ್ಣಿಗೆ ಮಣ್ಣೆರಚುತ್ತಿದ್ದ ಹಠಾTemplate ಆರೋಪಿಯೊಬ್ಬನನ್ನು ಮಂಗಳೂರಿನ ಕಂಕನಾಡಿ ನಗರ ಠಾಣೆಯ ಪೊಲೀಸರು ಅತ್ಯಂತ ಚಾಣಾಕ್ಷತನದಿಂದ ಕಾರ್ಯಾಚರಣೆ ನಡೆಸಿ ಬಾಳೆಹೊನ್ನೂರು ಸಮೀಪ ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಭದ್ರಾವತಿಯ ಸಂತೆ ಮೈದಾನದ ಬೋವಿ ಕಾಲನಿಯ ನಿವಾಸಿಯಾದ ಚಂದ್ರಶೇಖರ್ ಲಿಂಗರಾಜ್ ಬೋವಿ (26) ಎಂಬಾತನೇ ಪೊಲೀಸರ ಅತಿಥಿಯಾದ ಕಾನೂನು ಬಾಹಿರ ಕೃತ್ಯಗಳ ಆರೋಪಿ. ಈತ ಈ ಹಿಂದೆ ಕಂಕನಾಡಿ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದ್ದ ಅಪರಾಧ ಪ್ರಕರಣವೊಂದರಲ್ಲಿ ಭಾಗಿಯಾಗಿದ್ದು, ಬಳಿಕ ನ್ಯಾಯಾಲಯದಿಂದ ಬೇಲ್ ಪಡೆದು ಕಾನೂನಿನ ಕೈಯಿಂದ ತಪ್ಪಿಸಿಕೊಂಡು ಓಡಾಡುತ್ತಿದ್ದನು.

ಕಳೆದ ಒಂದೂವರೆ ವರ್ಷಗಳಿಂದ ನ್ಯಾಯಾಲಯದ ವಿಚಾರಣೆಗೆ ಹಾಜರಾಗದೆ ತಲೆಮರೆಸಿಕೊಂಡಿದ್ದ ಈತನ ವಿರುದ್ಧ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯವು ಬರೋಬ್ಬರಿ 14 ಬಾರಿ ಬಂಧನದ ವಾರೆಂಟ್ ಹೊರಡಿಸಿತ್ತು. ಆದರೆ ಪ್ರತಿ ಬಾರಿಯೂ ಪೊಲೀಸರು ತನ್ನನ್ನು ಹುಡುಕಿಕೊಂಡು ಬರುವ ಮುನ್ನವೇ ಈತ ಚಾಣಾಕ್ಷತನದಿಂದ ತನ್ನ ವಿಳಾಸವನ್ನು ಬದಲಾಯಿಸಿ ಸದ್ದಿಲ್ಲದೆ ಜಾಗ ಖಾಲಿ ಮಾಡುತ್ತಿದ್ದನು.

ಕೊನೆಗೂ ಆರೋಪಿಯ ರಹಸ್ಯ ಅಡಗುತಾಣದ ಬಗ್ಗೆ ಕಂಕನಾಡಿ ಪೊಲೀಸರಿಗೆ ಖಚಿತ ಸುಳಿವು ಲಭ್ಯವಾಗಿತ್ತು. ಈ ಮಾಹಿತಿಯನ್ನಾಧರಿಸಿ ತಕ್ಷಣವೇ ಕಾರ್ಯಪ್ರವೃತ್ತರಾದ ಕಂಕನಾಡಿ ನಗರ ಠಾಣೆಯ ವಾರೆಂಟ್ ವಿಭಾಗದ ಸಿಬ್ಬಂದಿಗಳಾದ ಬಾಲರಾಜ್ ಮತ್ತು ರವಿಕುಮಾರ್ ಅವರು ಜುಲೈ 11ರಂದು ಬಾಳೆಹೊನ್ನೂರು ಸಮೀಪದ ಮಲ್ಲಿಗೇಹಳ್ಳಿ ಮೈದಾಳು ಎಂಬ ಗ್ರಾಮದ ಮೇಲೆ ದಾಳಿ ನಡೆಸಿ, ಆರೋಪಿಯನ್ನು ಸುತ್ತುವರಿದು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಸದ್ಯ ಬಂಧಿತ ಆರೋಪಿಯನ್ನು ನ್ಯಾಯಾಂಗದ ಮುಂದೆ ಹಾಜರುಪಡಿಸಲಾಗಿದೆ.