ಮಂಗಳೂರು : ಪಂಪ್‌ವೆಲ್ ನಲ್ಲಿ ಸರಣಿ  ಕಳ್ಳತನಕ್ಕೆ ಪ್ರಯತ್ನಿಸಿದ ಕಳ್ಳರು ಮೆಡಿಕಲ್ ಶಾಪ್‌ವೊಂದರಿಂದ ರೂ. 10 ಸಾವಿರ ನಗದನ್ನು ಕದ್ದು ಪರಾರಿಯಾಗಿದ್ದಾರೆ.

ಸಿಟಿ ಪಾಯಿಂಟ್ ಮೆಡಿಕಲ್ಸ್, ಜ್ಯೂಸ್ ಪಾಲೇಸ್, ವೈನ್ ಶಾಪ್ ಈ ಮೂರು ಅಂಗಡಿಗಳನ್ನು ಕಳ್ಳರು ಗುರಿಯಾಗಿಟ್ಟು ಕೊಂಡಿದ್ದರು. ಸಿಟಿ ಪಾಯಿಂಟ್ ಮೆಡಿಕಲ್ ನ ಬೀಗ ಒಡೆದು ಒಳಗೆ ನುಗ್ಗಿದ ಕಳ್ಳರಿಗೆ ರೂ.10,000 ಮಾತ್ರ ಸಿಕ್ಕಿದೆ. ಉಳಿದೆರಡು ಶಾಪ್ ಗಳಲ್ಲಿ ಕಳ್ಳರಿಗೆ ಯಾವುದೇ ಬೆಲೆ ಬಾಳುವ ವಸ್ತುಗಳು ದೊರೆತ್ತಿಲ್ಲ ಎಂದು ತಿಳಿದು ಬಂದಿದೆ.

ಪ್ರಕರಣ ಗುರುವಾರ ಬೆಳಿಗ್ಗೆ ಬೆಳಕಿಗೆ ಬಂದಿದ್ದು, ಶಾಪ್ ನ ಮಾಲೀಕರು ಅಂಗಡಿ ತೆರೆಯುವಾಗ ಕಳ್ಳತನ ಪ್ರಕರಣ ಬಯಲಾಗಿದೆ. ಕಂಕನಾಡಿ ಗ್ರಾಮಾಂತರ ಪೊಲೀಸರು ಸ್ಥಳಕ್ಕೆ ಆಗಮಿಸಿ ತನಿಖೆ ಕೈಗೊಂಡಿದ್ದಾರೆ.