ಮಂಗಳೂರು: ಭಾರತ-ಪಾಕ್ ನಡುವಿನ ಮೂರು ಯುದ್ಧಗಳಲ್ಲಿ ಭಾಗವಹಿಸಿದ್ದ ಹಿರಿಯ ಸೇನಾಪಡೆ ಯೋಧ, ಗರೋಡಿ ತಿಮ್ಮಪ್ಪ ಆಳ್ವ (85) ಗುರುವಾರ ಸಂಜೆ ಮಂಗಳೂರಿನ ಲೋಹಿತ್ ನಗರದಲ್ಲಿರುವ ತಮ್ಮ ನಿವಾಸದಲ್ಲಿ ನಿಧನರಾದರು.
ಯುದ್ಧದ ಅನುಭವಿ, ದೇಹಾಂಗ ದಾನಿ
ಯುದ್ಧ ವೀರರಾಗಿದ್ದ ಗರೋಡಿ ತಿಮ್ಮಪ್ಪ ಆಳ್ವ ಅವರ ದೇಹವನ್ನು ಶುಕ್ರವಾರ ದೇರಳಕಟ್ಟೆಯ ಕೆ.ಎಸ್. ಹೆಗ್ಡೆ ಆಸ್ಪತ್ರೆಗೆ ದಾನ ಮಾಡಲಾಗುವುದು ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ. ತುಳುನಾಡಿನ ಕೃಷಿ ಕುಟುಂಬದಿಂದ ಬಂದು ದೇಶಕಾಯುವ ಸೈನಿಕನಾದ ಅವರ ಬದುಕು ಹಲವರಿಗೆ ಸ್ಫೂರ್ತಿ ನೀಡಿದೆ.
ಮರೆಯಲಾಗದ 1971ರ ಯುದ್ಧದ ನೆನಪು
1971ರ ಭಾರತ-ಪಾಕ್ ಯುದ್ಧದಲ್ಲಿ ಗರೋಡಿ ತಿಮ್ಮಪ್ಪ ಆಳ್ವ ಅವರ ಸಾಹಸ ಗಮನಾರ್ಹ. ಹೆಲಿಕಾಪ್ಟರ್ನಲ್ಲಿ ಯುದ್ಧ ಶಿಬಿರಕ್ಕೆ ತೆರಳುತ್ತಿದ್ದಾಗ ಪಾಕ್ ಸೈನಿಕರ ಫಿರಂಗಿ ದಾಳಿಗೆ ತುತ್ತಾಗಿ ಚಿತ್ತಗಾಂಗ್ ಪ್ರದೇಶದ ಕಾಡಿನಲ್ಲಿ ಬಿದ್ದು, ಜೀವನ್ಮರಣ ಹೋರಾಟ ನಡೆಸಿ ಅವರು ಬದುಕುಳಿದಿದ್ದರು. ಅವರ ಈ ರೋಮಾಂಚಕ ಅನುಭವ ಕಥನವು ಇತ್ತೀಚೆಗೆ ‘ಗರೋಡಿ ಮನೆಯಿಂದ ಸೇನಾ ಗರಡಿಗೆ’ ಎಂಬ ಕಿರುಪುಸ್ತಕವಾಗಿ ಪ್ರಕಟಗೊಂಡಿತ್ತು.
ಭಾರತದ ವಿಜಯದ ಸ್ಮರಣೆ
ಈ ಯುದ್ಧದಲ್ಲಿಯೇ ಇಂದಿರಾಗಾಂಧಿಯವರ ದಿಟ್ಟ ನಾಯಕತ್ವ, ಮಾಣಿಕ್ ಶಾ ಅವರ ಯುದ್ಧ ತಂತ್ರ ಮತ್ತು ಸಾವಿರಾರು ಯೋಧರ ಬಲಿದಾನದ ಫಲವಾಗಿ ಭಾರತ ಜಗತ್ತನ್ನೇ ಬೆರಗುಗೊಳಿಸುವಂತಹ ಜಯವನ್ನು ಗಳಿಸಿತ್ತು. ಆ ಮೂರು ಯುದ್ಧಗಳಲ್ಲಿ ಭಾಗವಹಿಸಿದ್ದ ಹಿರಿಮೆ ಜಿ.ಟಿ. ಆಳ್ವ ಅವರದ್ದು.
Recommended for you
-
1.3K
-
2.1K
ಪ್ರತಿಕ್ರಿಯೆ ನೀಡಿ
ಪ್ರತಿಕ್ರಿಯೆ ನೀಡಿ
Posted in: ಪ್ರಾದೇಶಿಕ ಸುದ್ದಿಗಳು, ಟಾಪ್ ಸುದ್ದಿ, ಸುದ್ದಿಗಳು
