ಮಂಗಳೂರು (ಕದ್ರಿ): ಮಂಗಳೂರಿನ ಐತಿಹಾಸಿಕ ಕದ್ರಿ ಮೈದಾನದಲ್ಲಿ ಕದರಿಕಾ ಚಾರಿಟೇಬಲ್ ಟ್ರಸ್ಟ್ ಹಾಗೂ ಕದ್ರಿ ಕ್ರಿಕೆಟರ್ಸ್ ಸಹಯೋಗದಲ್ಲಿ ಆಯೋಜಿಸಲಾಗಿದ್ದ 4ನೇ ವರ್ಷದ ಶ್ರೀ ಗಣೇಶೋತ್ಸವ ಮುಕ್ತಾಯ ಹಂತಕ್ಕೆ ತಲುಪಿದ್ದು, ಈ ಪ್ರಯುಕ್ತ ಸೋಮವಾರ (ಸೆಪ್ಟೆಂಬರ್ 14) ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಿದವು. ನಗರದ ಪ್ರಸಿದ್ಧ ‘ಮಕ್ಕಿಮನೆ ಕಲಾವೃಂದ ಮಂಗಳೂರು’ ತಂಡವು ನಡೆಸಿಕೊಟ್ಟ ಈ ನೃತ್ಯ ಮತ್ತು ಸಂಗೀತ ಸಂಜೆ ಪ್ರೇಕ್ಷಕರ ಮನಸೂರೆಗೊಂಡು, ಕಲಾಭಿಮಾನಿಗಳ ಪ್ರಶಂಸೆಗೆ ಪಾತ್ರವಾಯಿತು.
ಈ ಅದ್ಧೂರಿ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಸಮಾರಂಭದಲ್ಲಿ ಕದ್ರಿ ಮನೋಹರ ಶೆಟ್ಟಿ, ತಾರನಾಥ ಶೆಟ್ಟಿ, ಕೊಡಿಯಾಲ್ ಬೈಲು ಹೇಮಾನಂದ, ರವೀಶ್ ರೈ ಹಾಗೂ ಚೇತನ್ ಕದ್ರಿ ಪ್ರಮುಖ ಉಪಸ್ಥಿತಿಯಲ್ಲಿದ್ದರು. ಇವರೊಂದಿಗೆ ಮಕ್ಕಿಮನೆ ಸುದೇಶ್ ಜೈನ್, ರಿಮಾ ಜಗನ್ನಾಥ್, ಪ್ರತೀಕ್ಷಾ ಪ್ರಭು, ಆಶೀಶ್ ಅಂಚನ್ ಮತ್ತು ಅನನ್ಯ ನಾರಾಯಣ್ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿ ಸಾಂಸ್ಕೃತಿಕ ರಸಸಂಜೆಗೆ ಶುಭ ಕೋರಿದರು. ಇಡೀ ಕಾರ್ಯಕ್ರಮದ ನಿರೂಪಣೆಯನ್ನು ಅರ್ಚಿತ್ ಜೈನ್ ಸಂಸೆ ಅವರು ತಮ್ಮ ಚೊಕ್ಕ ಮಾತುಗಳಿಂದ ಯಶಸ್ವಿಯಾಗಿ ನಡೆಸಿಕೊಟ್ಟರು.
Recommended for you
-
1.4K
-
1.6K
-
1.3K
ಪ್ರತಿಕ್ರಿಯೆ ನೀಡಿ
ಪ್ರತಿಕ್ರಿಯೆ ನೀಡಿ
Posted in: ಪ್ರಾದೇಶಿಕ ಸುದ್ದಿಗಳು, ಟಾಪ್ ಸುದ್ದಿ, ಸುದ್ದಿಗಳು
