ಮಂಗಳೂರು: ಪಡೀಲ್ ನ ಮೊರ್ನಿಂಗ್ ಮಿಸ್ಟ್ ಹೋಂ ಸ್ಟೇ ಮೇಲೆ ನಡೆದ ದಾಳಿಯಲ್ಲಿ ಭಾಗಿಯಾದ 38ನೇ ಆರೋಪಿ ಕಂದಾವರದ ಮನೋಜ್ ಎಂಬಾತನನ್ನು ಭಾನುವಾರ ಕಂಕನಾಡಿ ಪೊಲೀಸರು ಬಂಧಿಸಿದ್ದಾರೆ.

ಮನೋಜ್ s/0 ಸುಂದರ ಮೂಡಬಿದರೆಯಲ್ಲಿರುವುದನ್ನು ಖಚಿತಪಡಿಸಿಕೊಂಡ ಕಂಕನಾಡಿ ಪೊಲೀಸರು ಬಜ್ಪೆ ಪೊಲೀಸರ ನೆರವಿನೊಂದಿಗೆ ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ. 44 ಆರೋಪಿಗಳಲ್ಲಿ ಈತ 38ನೇ ಆರೋಪಿಯಾಗಿದ್ದಾನೆ. ಇನ್ನು ಆರು ಮಂದಿ ಆರೋಪಿಗಳ ಬಂಧನವಾಗಬೇಕಾಗಿದೆ.

2012ರ ಜುಲೈ 28ರಂದು ನಡೆದ ಹೋಮ್ ಸ್ಟೇ ದಾಳಿಯಲ್ಲಿ ಬಂಧನಕ್ಕೊಳಗಾಗಿದ್ದ ಆರೋಪಿಗಳ ಪೈಕಿ 17 ಮಂದಿ ಜಾಮೀನಿನ ಮೇಲೆ ಬಿಡುಗಡೆಗೊಂಡಿದ್ದಾರೆ.