ಮಂಗಳೂರು : ದ.ಕ. ಮಾಜಿ ಸೈನಿಕರ ಎಸೋಸಿಯೇಶನ್ ಮತ್ತು ಲಯನ್ಸ್ ಕ್ಲಬ್ ವತಿಯಿಂದ ಇಂದು ಜುಲೈ26ರಂದು ಕದ್ರಿ ಲಯನ್ಸ್ ಸೇವಾ ಮಂದಿರದಲ್ಲಿ ಕಾರ್ಗಿಲ್ ವಿಜಯ ದಿವಸವನ್ನು ಆಚರಿಸಲಾಯಿತು. ಬಿ.ಎಮ್.ಎಸ್ ಕಾಲೇಜ್ ಬೆಂಗಳೂರು ಇಲ್ಲಿಯ 3ನೇ ಬಿ.ಇ. ವಿದ್ಯಾರ್ಥಿನಿಯಾದ ದಿಶಾ ಅಮಿತ್ ರವರು ಉದ್ಘಾಟನೆಯನ್ನು ನೇರವೇರಿಸಿದರು.

ನಂತರ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ದಿಶಾ, ಮಾಜಿ ಸೈನಿಕರು ಸಲ್ಲಿಸಿದ ಸೇವೆಯು  ಪ್ರಸ್ತುತ ಪೀಳಿಗೆಗೆ ಉತ್ತಮ ರೀತಿಯ ಸ್ಪೂರ್ತಿ ಮತ್ತು ಅನುಕರಣೀಯವಾಗಿದೆ. ಮಾಜಿ ಸೈನಿಕರು ಈ ದೇಶಕ್ಕೆ ಸಲ್ಲಿಸಿದ ಸೇವೆ ಮತ್ತು ಅವರ ಧೈರ್ಯವನ್ನು ನಾವೆಲ್ಲರೂ ಮೆಚ್ಚುವಂತದ್ದು ಎಂದು ಹೇಳಿದರು.

ಆನೇಕ ಸೈನಿಕರು ಈ ರಾಷ್ಟ್ರಕೋಸ್ಕರ ಹೋರಾಡಿ ತಮ್ಮ ಜೀವವನ್ನು ಬಲಿಕೊಟ್ಟಿದ್ದಾರೆ. ಅವರು ಈ ದೇಶಕೋಸ್ಕರ ಕೊಟ್ಟ ಸೇವೆಯನ್ನು ನಾವು ಎಂದಿಗೂ ಮರೆಯುವಂತಿಲ್ಲ. ಅವರಿಗೆ ಗೌರವ ಸಲ್ಲಿಸುವುದು ನಮ್ಮೆಲ್ಲರ ಮತ್ತು ಸಮಾಜದ ಕರ್ತವ್ಯ ಎಂದು ಕಮಾಂಡರ್ ಮಾಸ್ಕರೇನಸ್ ಹೇಳಿದರು.

ಸಭೆಯ ಅಧ್ಯಕ್ಷತೆಯನ್ನು ಲಯನ್ಸ್ ಕ್ಲಬ್ಬಿನ ಕೆ.ಸಿ. ಪ್ರಭುರವರು ವಹಿಸಿದ್ದರು. ಮಾಜಿ ಸೈನಿಕರಾದ ಪುರುಷೋತ್ತಮ್ ಆಚಾರ್ಯ, ಅಲೆಗ್ಸಾಂಡರ್ ಡಿ’ಸಿಲ್ವ, ನೋವೆಲ್ ಲೋಬೊ, ಸಿರಿಲ್ ಡಿ’ಸೋಜ, ಎಸ್ ನಂದಗೋಪಾಲ್, ರಾಜೇಶ್ ಕಾಮತ್, ಬಾಸ್ಕರ್ ಪೈ, ಎ.ಬಿ.ವಿ.ಪಿ.ರಾಜ್ಯ ಕಾರ್ಯದರ್ಶಿ ಬಿ.ರಮೇಶ್ ಸಭೆಯಲ್ಲಿ ಉಪಸ್ಥಿತರಿದ್ದರು.