ಮಂಗಳೂರು: ಮಂಗಳೂರು ಪ್ರಾದೇಶಿಕ ಸಾರಿಗೆ ಕಛೇರಿಗೆ ಇಂದು ಸಂಜೆ 5.30ಕ್ಕೆ ಕಾರವಾರ, ಉಡುಪಿ ಮತ್ತು ಮಂಗಳೂರು ಲೋಕಾಯುಕ್ತ ಅಧಿಕಾರಿಗಳು ದಾಳಿ ನಡೆಸಿ 67,640 ರೂ ಅನಧಿಕೃತ ನಗದನ್ನು ವಶಪಡಿಸಿಕೊಂಡಿದ್ದಾರೆ.
ಮಂಗಳೂರು ಪ್ರಾದೇಶಿಕ ಸಾರಿಗೆ ಕಛೇರಿ ದ್ವಿತೀಯ ದರ್ಜೆಯ ಗುಮಾಸ್ತರಾದ ಯೋಗೀಶ್ ಮತ್ತು ಪ್ರಭಾಕರ ಸೇರಿದಂತೆ ಆರ್.ಟಿ.ಓ ಕಛೇರಿಯ ಖಾಸಗಿ ಏಜೆಂಟರಾದ ಕೇಶವ ಪೈ, ನಾಗರಾಜ, ರಘುನಾಥ ಹಾಗೂ ಸಂತೋಷ್ ಎಂಬವರನ್ನು ಬಂಧಿಸಲಾಗಿದೆ.

ಲೋಕಾಯುಕ್ತ ಎಸ್.ಪಿ ಜಗಮಯ್ಯನವರ್ ನೇತೃತ್ವದಲ್ಲಿ ಉಡುಪಿ ಡಿವೈಎಸ್ಪಿ, ಪ್ರಭುದೇವ ಮಾಣೆ, ಇನ್ಸ್ಫೆಕ್ಟರ್ ಉದಯ ನಾಯಕ್ ದಾಳಿನಡೆಸಿದ್ದಾರೆ. ಬಂದಿತ ಆರೋಪಿಗಳನ್ನು ವಿಚಾರಣೆ ನಡೆಸಿ ಕಾನೂನು ರಿತ್ಯಾ ಕ್ರಮ ಜರಗಿಸಲಾಗುವುದು ಎಂದು ಎಸ್.ಪಿ ಜಗಮಯ್ಯನವರ್ ತಿಳಿಸಿದ್ದಾರೆ.

ಕಾರ್ಯಾಚರಣೆಯಲ್ಲಿ ಕಾರವಾರ, ಉಡುಪಿ, ಮಂಗಳೂರಿನ 25 ಮಂದಿ ಲೋಕಾಯುಕ್ತ ಸಿಬ್ಬಂದಿಗಳು ಭಾಗವಹಿಸಿದ್ದರು.