ಮಂಗಳೂರು : ನಗರದ ಮಾಯಾ ಇಂಟರ್ ನ್ಯಾಷನಲ್ ಹೋಟೆಲ್‌ನಲ್ಲಿ  ಶ್ರೀ ರೇಣುಕ ಚಿತ್ರ ಬ್ಯಾನರ್ ನಲ್ಲಿ ನಿರ್ಮಾಣವಾದ ಬರ್ಕೆ ತುಳು ಚಿತ್ರದ ಧ್ವನಿ ಸುರುಳಿ ಬಿಡುಗಡೆ ಸಮಾರಂಭವು ಗುರುವಾರ ನಡೆಯಿತು .

ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಿರುವ ಯಜ್ಞನೇಶ್ ಬರ್ಕೆ ಸಿನಿಮಾದ ಧ್ವನಿ ಸುರುಳಿ ಬಿಡುಗಡೆಯನ್ನು ನೆರವೇರಿಸಿದರು.

ಯಜ್ಞನೇಶ್ ಬರ್ಕೆ ಸಿನಿಮಾವು ಬರ್ಕೆಯಲ್ಲಿ ಹುಟ್ಟಿ ಬೆಳೆದ ಒಬ್ಬ ಹುಡುಗನ ಕಥೆಯಾಗಿದ್ದು, ಅಲ್ಲಿ ಈ ಹಿಂದೆ ನಡೆದಂತಹ ಘಟನೆಯನ್ನಾಧರಿಸಿ ರಚಿಸಿದಂತಹ ಸಿನಿಮಾವಾಗಿದೆ. ಈ ಸಿನಿಮಾವು ನೂರು ದಿನಗಳು ಓಡಲಿ ಎಂದು ಚಿತ್ರತಂಡಕ್ಕೆ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ  ಮಾತನಾಡಿದ ಸಿನಿಮಾ ನಟ ನಾಗರಾಜ್, ಈ ಸಿನಿಮಾವು ಇನ್ನೂ ನನಗೊಂದು ಕನಸಂತಿದೆ. ಈ ಸಿನಿಮಾದಲ್ಲಿ ದೊಡ್ಡ ಪಾತ್ರವನ್ನು ನನಗೆ ನೀಡಿದ್ದು, ನನ್ನ ಮೇಲಿನ ಜವಬ್ದಾರಿ ಜಾಸ್ತಿಯಾಗಿತ್ತು. ಇಂತಹ ಪಾತ್ರ ನಿರ್ವಹಿಸಿದಕ್ಕೆ ಈ ಸಂದರ್ಭದಲ್ಲಿ ಹರ್ಷ ವ್ಯಕ್ತಪಡಿಸಿದರು.

ಈ ಧ್ವನಿ ಸುರುಳಿ ಬಿಡುಗಡೆ ಸಮಾರಂಭದಲ್ಲಿ ನಿರ್ಮಾಪಕರಾದ ಸುರೇಶ್ ರೆಡ್ಡಿ.ಕೆ, ಕಥೆ,ಚಿತ್ರಕಥೆ, ಸಂಭಾಷಣೆ ಮತ್ತು ನಿರ್ದೇಶಕರಾದ ಭರತ್ ಕೃಷ್ಣ,ಸಿನಿಮಾ ಕಲಾವಿದರಾದ ಅಶ್ವಿನ್, ಶ್ರೀಕಾಂತ್, ಸುರೇಶ್ ರೆಡ್ಡಿ, ಮೇಘನಾ, ಅರುಣ್, ರೇವಣ್ಣ ಸಿದ್ದಯ್ಯ(ಎಂ.ವಿ.ಆರ್) ಸುರೇಶ್ ಚಂದ್ರ, ರಶ್ಮಿಕಾ, ನಿರಂಜನ್ ಬೇಕಲ್, ರಾಜೇಶ್ ಹಾಗೂ ಇನ್ನಿತ್ತರರು ಉಪಸ್ಥಿತರಿದ್ದರು.