ಮಂಗಳೂರು  : ನಗರದ ಸಂಘನಿಕೇತನ ಸಭಾಭವನದಲ್ಲಿ ಕಾರ್ಮಿಕ ಇಲಾಖೆ ಮತ್ತು ಉದ್ಯೋಗ ಖಾತೆಯ ಕೇಂದ್ರ ಸಹ ಸಚಿವರಾದ ಕೋಡಿಕುನ್ನಿಲ್ ಸುರೇಶ್ ಅವರು ಮಂಗಳೂರು ಇ‌ಎಸ್ ಐ ಸಿ ಉಪ ಪ್ರಾದೇಶಿಕ ಕಚೇರಿಯ ಉದ್ಘಾಟನೆಯನ್ನು ಗುರುವಾರ  ನೆರವೇರಿಸಿದರು .

ಉದ್ಯೋಗ ಖಾತೆಯ ಕೇಂದ್ರ ಸಹ ಸಚಿವರಾದ ಕೋಡಿಕುನ್ನಿಲ್ ಸುರೇಶ್ ಅವರು ಮಾತನಾಡಿ ,  ನೂರು ಹಾಸಿಗೆ ವ್ಯವಸ್ಥೆಗಳನ್ನು ಹೊಂದಿರುವ ಸುಸಜ್ಜಿತ ಇಎಸ್ ಐ ಆಸ್ಪತ್ರೆ ಮಂಗಳೂರಿನಲ್ಲಿ 1979ರಿಂದಲೇ ಕಾರ್ಯನಿರ್ವಹಿಸುತ್ತಿದೆ. ಅಲ್ಲದೇ ಬೇರೆ ಬೇರೆ ಪ್ರದೇಶಗಳಲ್ಲಿರುವ 9 ಇಎಸ್ ಐ ಚಿಕಿತ್ಸಾಲಯಗಳೂ ಇದಕ್ಕೆ ಒಳಪಡುತ್ತವೆ. ರೋಗಿಗಳಿಗೆ ಮತ್ತು ವಿಮೆದಾರರಿಗೆ ಸಹಕಾರಿಯಾಗಲೆಂದು ವಾಹನ ಸೌಕರ್ಯವನ್ನೂ ಹೊಂದಿದೆ. ಬೇರೆ ಬೇರೆ ಪ್ರದೇಶಗಳಲ್ಲಿರುವ ಚಿಕಿತ್ಸಾಲಯಗಳಿಗೆ ಪ್ರಧಾನ ಆಸ್ಪತ್ರೆಗೆ ಈ ವಾಹನ ಸೇವೆ ಇರುತ್ತದೆ. ಜತೆಗೆ ಆರು ಪ್ರತಿಷ್ಠಿತ, ಸುಸಜ್ಜಿತ ಖಾಸಗಿ ಆಸ್ಪತ್ರೆಗಳೊಂದಿಗೆ ಇಎಸ್ ಐ ಕೈಜೋಡಿಸಿದೆ ಎಂದರು.

ನೂತನ ಕಚೇರಿಯು ಸದ್ಯ ಬಾಡಿಗೆ ಕಟ್ಟಡದಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಮೂರು ಶಾಖಾ ಕಚೇರಿಗಳಾದ ಬೈಕಂಪಾಡಿ, ಉಡುಪಿ, ಮಂಗಳೂರು ಈ ಉಪ ಪ್ರಾದೇಶಿಕ ಕಚೇರಿಯ ವ್ಯಾಪ್ತಿಗೆ‌ಒಳಪಡುತ್ತದೆ. ರೋಗಿಗಳಿಗೆ ಸಹಕಾರಿಯಾಗಲೆಂದು ವಾಹನ ಸೌಕರ್ಯವನ್ನು ಹೊಂದಿದೆ. ಜೊತೆಗೆ ಆರು ಪ್ರತಿಷ್ಟಿತ ಖಾಸಾಗಿ ಆಸ್ಪತ್ರೆಗಳೊಂದಿಗೆ ಇ‌ಎಸ್ ಐ ಕೈ ಜೋಡಿಸಿದೆ. ಕರ್ನಾಟಕ ರಾಜ್ಯದಲ್ಲಿ ಒಟ್ಟು 40 ಶಾಖಾ ಕಚೇರಿಗಳ ಮೂಲಕ ವಿಮೆದಾರರು ಹಣಕಾಸು ವ್ಯವಹಾರ ಮಾಡುತ್ತಾರೆ. ಪ್ರಸಕ್ತ ಸಾಲಿನ ಎಪ್ರಿಲ್ ಮತ್ತು ಮೇನಲ್ಲಿ 10.೦೦ಕೋಟಿ ಹಣವನ್ನು 5೦,೦೦೦ ಮಂದಿಗೆ ನೀಡಲಾಗಿದೆ. 2012-13ರಲ್ಲಿ ಸೂಪರ್ ಸ್ಪೆಶಾಲಿಟಿ ಚಿಕಿತ್ಸೆಗೆಂದು ಒಟ್ಟು 126.45 ಕೋಟಿ ಹಣವನ್ನು ವ್ಯಯಿಸಲಾಗಿದೆ ಎಂದು ತಿಳಿಸಿದರು.

ಸಮಾರಂಭದಲ್ಲಿ  ವಿಧಾನ ಸಭಾ ಸದಸ್ಯ ಜೆ.ಆರ್.ಲೋಬೋ, ಸಂಸದ ನಳಿನ್ ಕುಮಾರ್ ಕಟೀಲ್, ಕಾರ್ಮಿಕ ಸಚಿವ ಪಿ.ಟಿ.ಪರಮೇಶ್ವರ ನಾಯ್ಕ್, ಕಾರ್ಪರೇಟರ್ ರಾಜೇಂದ್ರ ಕುಮಾರ್   ರ್ಮುಂತಾದವರು ಉಪಸ್ಥಿತರಿದ್ದರು.