ಬೆಂಗಳೂರುಃ  ಇಂದು ನಟ ಅಜಯ್ ರಾವ್ ಹುಟ್ಟು ಹಬ್ಬ.ಸ್ಯಾಂಡಲ್ ವುಡ್ ನ ಅತ್ಯಂತ ಮುದ್ದಾದ ನಟರಲ್ಲಿ ಅಜಯ್ ಕೃಷ್ಣ ರಾವ್ ಒಬ್ಬರು. ಹೆಚ್ಚಾಗಿ ಜನಕ್ಕೆ ತಿಳಿದಿರುವುದು ಅಜಯ್ ರಾವ್ ಹೆಸರಲ್ಲಿ.ಇವರು ತಮ್ಮ ಹೋಂಬ್ಯಾನರ್ ಆರಂಭ ಮಾಡುತ್ತಿದ್ದಾರೆ. ಅದನ್ನು ಇಂದು ಕನ್ನಡದ ಸ್ಟಾರ್ ನಟ ಪುನೀತ್ ರಾಜ್ ಕುಮಾರ್ ಅವರು ಲಾಂಚ್ ಮಾಡುತ್ತಿದ್ದಾರೆ. ಈ ಬ್ಯಾನರಿನ ಅಡಿಯಲ್ಲಿ ನಿರ್ಮಿತವಾಗುವ ಚಿತ್ರಗಳ ಬಗ್ಗೆ ತಿಳಿಸುತ್ತಾರೆ. ಜನವರಿ 24 ಅಂದರೆ ಇಂದು ಅವರ ಜನ್ಮದಿನ. ಅಜಯ್ ಬಹು ನಿರೀಕ್ಷಿತ,ಬೃಹತ್ ಕನಸಾದ ಶ್ರೀ ಕೃಷ್ಣ ಆರ್ಟ್ಸ್ ಹೆಸರಿನಲ್ಲಿ ಈ ಬ್ಯಾನರ್ ಕಾರ್ಯ ನಿರ್ವಹಿಸುತ್ತದೆ.

ಅಜಯ್ ಅವರ ಹೋಂ ಬ್ಯಾನರ್ ನಲ್ಲಿ ಸಿದ್ಧ ಆಗುತ್ತಿರುವ ಚಿತ್ರಕ್ಕೆ ನಿರ್ದೇಶಕ ಶಶಾಂಕ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಶಶಾಂಕ್ ಅವರು ಅಜಯ್ ರಾವ್ ಅವರು ನಟಿಸಿದ್ದ ಕೃಷ್ಣನ್ ಲವ್ ಸ್ಟೋರಿ ಚಿತ್ರವನ್ನು ನಿರ್ದೇಶಿಸಿದ್ದರು.ಆ ಚಿತ್ರವು ಬಾಕ್ಸಾಫೀಸಿನಲ್ಲಿ ಒಳ್ಳೆಯ ಗೆಲುವು ಕಂಡಿತ್ತು. ಅಜಯ್ ಗೆ ಸಾಥ್ ನೀಡಿದ್ದ ಚೆಲುವೆ ರಾಧಿಕಾ ಪಂಡಿತ್. ಆ ಬಳಿಕ ತೆರೆ ಕಂಡ ಕೃಷ್ಣನ್ ಮ್ಯಾರೇಜ್ ಚಿತ್ರವನ್ನು ಅಜಯ್ ಅವರ ಹೋಂ ಬ್ಯಾನರ್ ನಿರ್ಮಿಸುವ ಉದ್ದೇಶ ಹೊಂದಿದ್ದರಾದರೂ, ಹಣಕಾಸಲ್ಲಿ ಉಂಟಾದ ತೊಂದರೆಯಿಂದ ಅದನ್ನು ಬೇರೆಯ ಬ್ಯಾನರ್ ನಿರ್ಮಿಸಿತು. ಈಗ ಅಜಯ್ ಅವರ ಬಹುದೊಡ್ಡ ಕನಸು ನನಸಾಗಲಿದೆ ಅವರಿಗೆ ಒಳ್ಳೆಯದಾಗಲಿ. ಶ್ರಾವ್ಯ ಜೊತೆಯಲ್ಲಿ ನಟಿಸಿರುವ ರೋಸ್. ಇದನ್ನು ಸಹನಾಮೂರ್ತಿ ನಿರ್ದೇಶಿಸಿದ್ದಾರೆ.