ಮಂಗಳೂರು: ಡಿಜಿಟಲ್ ಇಮೇಜಿಂಗ್ ಕ್ಷೇತ್ರದಲ್ಲಿನ ಅಗ್ರಮಾನ್ಯ ಸಂಸ್ಥೆಯಾದ ಎಪ್ಸನ್ ವತಿಯಿಂದ ನಾಳೆ(ಜ.31)ನಗರದ ಹೋಟೆಲ್ ಗೇಟ್ ವೇ ಯಲ್ಲಿ `ಎಪ್ಸನ್ ಎನ್ವಿಷನ್’ ತಂತ್ರಜ್ಞಾನ ಉತ್ಸವವನ್ನು ಪೂರ್ವಾಹ್ನ 10ರಿಂದ ಸಂಜೆ 7ರವರೆಗೆ ಆಯೋಜಿಸಲಾಗಿದೆ.

ಉತ್ಸವದಲ್ಲಿ ಪಾಲ್ಗೊಳ್ಳುವವರು ವಿಶೇಷವಾಗಿ ನಿರ್ಮಿಸಲಾಗಿರುವ ಹೋಮ್ ಥಿಯೇಟರ್ ವಿಭಾಗ, ಫೊಟೋ ಕಾಂಟೆಸ್ಟ್ ವಿಭಾಗ, ಅತ್ಯಾಧುನಿಕ ತಂತ್ರಜ್ಞಾನವಾದ (MOVERIO) ಪೋರ್ಟಬಲ್ ವಿಭಾಗ ಹಾಗೂ ಹೆಡ್ ಮೌಂಟೆಡ್ ಡಿಸ್ಪ್ಲೆ ಸೇರಿದಂತೆ ವಿವಿಧ ತಾಂತ್ರಿಕ ವಿಭಾಗಳು ಇರಲಿವೆ. ಫೊಟೋ ಕಾಂಟೆಸ್ಟ್ನಲ್ಲಿ ಗೆಲ್ಲುವ ವಿಜೇತರಿಗೆ ಎಪ್ಸನ್ ಎಲ್800 ಫೊಟೋ ಪ್ರಿಂಟರ್ ಬಹುಮಾನವಾಗಿ ಸಿಗಲಿದೆ. ದ್ವಿತೀಯ ಸ್ಥಾನ ಪಡೆಯುವವರಿಗೆ ಎಪ್ಸನ್ ಟಿ60 ಫೊಟೋ ಲ್ಯಾಬ್ ಸೊಲ್ಯೂಷನ್ ಲಭ್ಯವಾಗಲಿದೆ ಎಂದು ಪ್ರಕಟಣೆ ತಿಳಿಸಿದೆ.