ಮಂಗಳೂರು: ಈಜಿಪ್ಟಿನ ಅಧ್ಯಕ್ಷ ಹೋಸ್ನಿ ಮುಬಾರಕ್ ಅಧಿಕಾರಕ್ಕೆ ಅಂತ್ಯ ಕಾಣಿಸಿದ ಈಜಿಪ್ಟಿನ ಜನತೆಗೆ ಅಭಿನಂದನೆ ಸೂಚಿಸುವ ಸಭೆಯನ್ನು ಪಾಪ್ಯಲರ್ ಫ್ರಂಟ್ ಆಫ್ ಇಂಡಿಯಾದ ಮಂಗಳೂರು ಶಾಖೆ ಸೋಮವಾರ ಸಂಜೆ ಜಿಲ್ಲಾಧಿಕಾರಿ ಕಚೇರಿ ಎದುರು ನಡೆಸಿತು.
ಅಭಿನಂದನೆ ಸಭೆಯನ್ನುದ್ದೇಶಿಸಿ ಮಾತನಾಡಿದ ಪಿ.ಎಫ್.ಐ ಸದಸ್ಯ ನಝೀರ್ ಬೋಳಂಗಡಿ ಮಾತನಾಡಿ ಮೂವತ್ತು ವರ್ಷಗಳಿಂದ ಈಜಿಪ್ಟಿನ ಜನತೆಯ ಮೇಲೆ ಸರ್ವಾಧಿಕಾರರವನ್ನು ನಡೆಸುತ್ತಿದ್ದ ಹೋಸ್ನಿ ಮುಬಾರಕ್ ಅಧಿಕಾರವನ್ನು ಪ್ರತಿಭಟನೆಯ ಮೂಲಕ ಕೊನೆಗಾಣಿಸಿ ಜಯ ಪಡೆದ ಅಲ್ಲಿನ ಜನತೆಯನ್ನು ನಾವು ಅಭಿನಂದಿಸುತ್ತೇವೆ. ಈಜಿಪ್ಟಿನ ಸರ್ವಾಧಿಕಾರಿಗೆ ಆದ ಗತಿ ನಮ್ಮ ದೇಶದ ನಿರಂಕುಶ ರಾಜಕಾರಣಿಗಳಿಗೂ ಆಗಬೇಕು ಎಂದು ಅವರು ಈ ಸಂದರ್ಭದಲ್ಲಿ ಹೇಳಿದರು.
ಅಭಿನಂದನಾ ಸಭೆಯಲ್ಲಿ ಬಿ.ಎಸ್ ಹುಸೈನ್ ಜೋಕಟ್ಟೆ, ಇಸ್ಮತ್ ಫಜೀರು, ನವಾಝ್ ಉಳ್ಳಾಲ ಹಾಗೂ ಇನ್ನಿತರ ಕಾರ್ಯಕರ್ತರು ಪಾಲ್ಗೊಂಡಿದ್ದರು.