ಮಂಗಳೂರು: ವಿಜಯದಶಮಿಯಂದು ಬೊಳ್ಳಿಲು ಚಲನಚಿತ್ರದ ಆಡಿಯೋ ಸಿ.ಡಿಯನ್ನು ಯುವಜನ, ಕ್ರೀಡಾ ಹಾಗೂ ಮೀನುಗಾರಿಕಾ ಮಂತ್ರಿಗಳಾದ ಅಭಯಚಂದ್ರ ಜೈನ್ ಇವರು ಬಿಡುಗಡೆಗೊಳಿಸಿದರು.

ಮಿತ್ರ ಹೆರಾಜೆ (ರಿಟೈರ್ಡ್ ಸೂಪರಿಡೆಂಟ್ ಆಫ್ ಪೋಲಿಸ್) ಮಂಗಳಾದೇವಿ ಕ್ರಿಯೇಶನ್ಸ್ ನಿರ್ಮಿಸುತ್ತಿರುವ ಶ್ರೀಮತಿ ಶಶಿಕಲಾ ರಾಜಶೇಖರ ಮಂಗಳಾನಗರ ಇವರ ದುರಂತ ಪ್ರೀತಿ ಕಾದಂಬರಿಯನ್ನಾಧರಿತ ಬೊಳ್ಳಿಲು ಶರತ್ ಚಂದ್ರ ಕುಮಾರ್ ಕದ್ರಿ ಇವರ ನಿರ್ದೇಶನದಲ್ಲಿ ಮೂಡಿಬಂದಿದೆ. ಜಿತಿನ್ ಶ್ಯಾಮ್ ಮುಂಬೈ ಇವರ ಸಂಗೀತ ನಿರ್ದೇಶನದಲ್ಲಿ ೫ ಹಾಡುಗಳು ಸುಂದರವಾಗಿ ಮೂಡಿ ಬಂದಿದೆ. ಬಾಲಿವುಡ್‌ನ ಖ್ಯಾತ ಗಾಯಕರುಗಳಾದ ವಿನೋದ್ ರಾಠೋಡ್, ಸಂದೀಪ್ ದಾತ್ತೆ, ಡಾ. ನಿತಿನ್ ಆಚಾರ್ಯ, ಬಾಬಿ ದತ್ತಾ ಹಾಗೂ ಸುದಕ್ಷಿಣ್ ದೀಕ್ಷಿತ್ ತಮ್ಮ ಮಧುರ ಧ್ವನಿಗಳಲ್ಲಿ ಹಾಡಿದ್ದಾರೆ.

ಇದೇ ಸಂದರ್ಭದಲ್ಲಿ ನೃತ್ಯ ನಿರ್ದೇಶಕರಾದ ರಾಜೇಶ್ ಬ್ರಹ್ಮಾವರ್ ಇವರನ್ನು ಮಂಗಳಾದೇವಿ ಕ್ರಿಯೇಶನ್ಸ್ (ರಿ) ಇದರ ವತಿಯಿಂದ ನಾಟ್ಯ ಸಾಮ್ರಾಟ ಬಿರುದನ್ನು ನೀಡಿ ಸನ್ಮಾನಿಸಲಾಯಿತು.

ಪ್ರವೀಣ್ ಕೊಂಚಾಡಿ, ನಿರ್ದೇಶಕ ಜಿ.ಕೆ. ಪುರುಷೊತ್ತಮ್, ಸುರೇಶ್ ಮಂಗಳೂರು, ವಸಂತ್ ರಾವ್, ಸದಾಶಿವದಾಸ್ ಪಾಂಡೇಶ್ವರ, ಪ್ರಾನ್ಸಿಸ್ ಪಿಂಟೊ, ಭವ್ಯಶ್ರೀ ರೈ ಹಾಗೂ ಬೊಳ್ಳಿಲು ಚಿತ್ರ ತಂಡದ ಕಲಾವಿದರು ಹಾಗೂ ತಂತ್ರಜ್ಞರು ಉಪಸ್ಥಿತರಿದ್ದರು.