ಪೆರ್ಲ: ಎಣ್ಮಕಜೆ ಗ್ರಾಮ ಪಂಚಾಯತ್ ಮಾಜಿ ಸದಸ್ಯ, ಮುಂಡೋಳಿ ಮೂಲೆ ದಿ.ನಿಟ್ಟೋಣಿ ಅಜಿಲ-ದಿ.ಬಾಗಿ ದಂಪತಿಗಳ ಪುತ್ರ, ಬಿಜೆಪಿ ಕಾರ್ಯಕರ್ತ ನಾರಾಯಣ(40) ಹೃದಯಾಘಾತದಿಂದ ಮಂಗಳವಾರ ರಾತ್ರಿ ನಿಧನರಾದರು.

ಮಂಗಳವಾರ ರಾತ್ರಿ ಪತ್ನಿಯ ತಾಯಿ ಮನೆ ಆರ್ಲಪದವಿನಲ್ಲಿ ಎದೆನೋವು ಕಾಣಿಸಿಕೊಂಡಿದ್ದು, ತಕ್ಷಣ ಪುತ್ತೂರಿನ ಖಾಸಗೀ ಆಸ್ಪತ್ರೆಗೆ ದಾಖಲಿಸಿದರೂ ಚಿಕಿತ್ಸೆ ಫಲಕಾರಿಯಾಗದೆ ನಿಧನರಾದರು.1995-2000 ನೇ ಆಡಳಿತಾವಧಿಯಲ್ಲಿ ವಾಣೀನಗರ ವಾರ್ಡ್‌ನಿಂದ ಬಿಜೆಪಿ ಸದಸ್ಯರಾಗಿ ಚುನಾಯಿತರಾಗಿ ಆಯ್ಕೆಯಾಗಿದ್ದರು.ಇವರು ದೈವ ನರ್ತನ ಕಲಾವಿದರೂ ಆಗಿದ್ದರು.