ಮಂಜೇಶ್ವರ: ಹೊಸಬೆಟ್ಟಿನ ಶ್ರೀರಾಧಾಕೃಷ್ಣ ಭಜನಾ ಮಂದಿರದ ಪುನಃ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ ಹಾಗೂ ವಾರ್ಷಿಕ ಏಕಾಹ ಭಜನೆಯ ಅಂಗವಾಗಿ ಭಾನುವಾರ ಬೆಳಿಗ್ಗೆ ಏಕಾಹ ಭಜನಾ ದೀಪ ಪ್ರಜ್ವಲನೆಯನ್ನು ಕೊಂಡೆವೂರು ಶ್ರೀನಿತ್ಯಾನಂದ ಯೋಗಾಶ್ರಮದ ಶ್ರೀಯೋಗಾನಂದ ಸರಸ್ವತೀ ಸ್ವಾಮೀಜಿ ನೆರವೇರಿಸಿ ಚಾಲನೆ ನೀಡಿದರು.

ಕಾಕುಂಜೆ ಬಾಲಕೃಷ್ಣ ಭಟ್,ಬಲರಾಮ ಭಟ್ ಕಾಕುಂಜೆ,ಬ್ರಹ್ಮಕಲಶೋತ್ಸವ ಸಮಿತಿ ಅಧ್ಯಕ್ಷ ತಾರಾನಾಥ ಅಂಗಡಿಪದವು,ಕೋಶಾಧಿಕಾರಿ ನ್ಯಾ.ನವೀನ್ ರಾಜ್ ಕೆ.ಜೆ,ಕಾರ್ಯದರ್ಶಿ ತುಳಸೀದಾಸ್,ರಾಘವ,ಹರೀಶ್ ಕುಮಾರ್ ಮೊದಲಾದವರು ಉಪಸ್ಥಿತರಿದ್ದರು.ಬಳಿಕ ವಿವಿಧ ಭಜನಾ ತಂಡಗಳಿಂದ ಭಜನಾ ಸಂಕೀರ್ತನೆ ನಡೆಯಿತು.

ಸೋಮವಾರ ಬೆಳಗ್ಗೆ ಏಕಾಹ ಭಜನೆಯ ಮಂಗಳಾಚರಣೆ ನಡೆಯಲಿದ್ದು ಸಂಜೆ ೫ ಗಂಟೆಗೆ ಬ್ರಹ್ಮಕಲಶೋತ್ಸವ ಸಮಿತಿ ಅಧ್ಯಕ್ಷ ತಾರಾನಾಥ ಅಂಗಡಿಪದವು ರವರ ಅಧ್ಯಕ್ಷತೆಯಲ್ಲಿ ನಡೆಯುವ ಸಭಾ ಕಾರ್ಯಕ್ರಮವನ್ನು ಮಾಡ ಅರಸು ಮಂಜಿಷ್ಣಾರು ಕ್ಷೇತ್ರದ ರಾಜ ಬೆಳ್ಚಾಡ ದೀಪ ಬೆಳಗಿಸಿ ಉದ್ಘಾಟಿಸುವರು.ವಿಎಚ್‌ಪಿ ಮಾತೃಮಂಡಳಿಯ ಜಿಲ್ಲಾಧ್ಯಕ್ಷೆ ಮೀರಾ ಆಳ್ವ ಧಾರ್ಮಿಕ ಭಾಷಣ ಮಾಡುವರು.ವಿವಿಧ ಗಣ್ಯರು ಉಪಸ್ಥಿತರಿರುವರು.ರಾತ್ರಿ ೮ ಗಂಟೆಗೆ ಸ್ಥಳೀಯ ಪ್ರತಿಭೆಗಳಿಂದ ನೃತ್ಯ ವೈವಿಧ್ಯ,ಅನ್ನಸಂತರ್ಪಣೆ,ಬಳಿಕ ದಾದ ಮಲ್ಪೆರಾಪುಂಡು ತುಳು ನಾಟಕ ಪ್ರದರ್ಶನ ನಡೆಯಲಿದೆ.