ಕಾಸರಗೋಡು: ಕಾರು ಡಿಕ್ಕಿಹೊಡೆದು ಖಾಸಗೀ ಬಸ್ ಚಾಲಕ ಮೃತಪಟ್ಟ ಘಟನೆ ಗುರುವಾರ ಮುಂಜಾನೆ ಪೊಯಿನಾಚಿಯಲ್ಲಿ ನಡೆದಿದೆ.

ಕುಂಡಂಗುಳಿ ಮರುದಡ್ಕದ ರಾಮಕೃಷ್ಣನ್ ನಾಯರ್ ಎಂಬವರ ಪುತ್ರ ಮಧುಸೂದನ್(32)ಮೃತ ಬಸ್ ಚಾಲಕ.ಮಧುಸೂದನ್ ಮೂವರು ಸ್ನೇಹಿತರೊಂದಿಗೆ ಜು.12 ರಂದು ಕೊಲ್ಲೂರು ಕ್ಷೇತ್ರಕ್ಕೆ ತೆರಳಿದ್ದರು.

ಮರಳಿ ಬಂದ ಇವರು ಗುರುವಾರ ಮುಂಜಾನೆ 1.30ರ ವೇಳೆಗೆ ಪೊಯಿನಾಚಿ ಪೆಟ್ರೋಲ್ ಬಂಕ್ ಬಳಿ ಕಾರಲ್ಲಿ ವಿಶ್ರಾಂತಿಪಡೆಯುತ್ತಿದ್ದರು.ಈ ಮಧ್ಯೆ 2 ಗಂಟೆಯ ವೇಳೆ ಮಧುಸೂದನ್ ರಸ್ತೆಯಲ್ಲಿ ವಾಹನ ಡಿಕ್ಕಿಯಾಗಿ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾದರು.ಈ ಬಗ್ಗೆ ಪೋಲೀಸರಿಗೆ ಮಾಹಿತಿ ನಿಡಿದ್ದು, ತಕ್ಷಣ ತಲಪಿದ ಪೋಲೀಸರು ಪರಾರಿಯಾದ ವಾಹನದ ಪತ್ತೆಗಾಗಿ ಶೋಧ ನಡೆಸಿದರು.ವಿವಿಧ ಪೋಲೀಸ್ ಠಾಣೆಗೆ ಮಾಹಿತಿ ನೀಡಿದ್ದು,ಈ ನಡುವೆ ಡಿಕ್ಕಿಹೊಡೆದು ಪರಾರಿಯಾದ ಮಾರುತಿ ಸೆಲೆರಿಯೋ ಕಾರನ್ನು ಚೆರ್ವತ್ತೂರಿನಿಂದ ಪೋಲೀಸರು ವಶಕ್ಕೆ ತೆಗೆದುಕೊಂಡರು.ಕಾರಲ್ಲಿದ್ದವರನ್ನು ವಶಕ್ಕೆ ತೆಗೆದು ಪೋಲೀಸರು ತನಿಖೆಗೊಳಪಡಿಸಿದರು.ಮಧುಸೂದನ್ ಮೃತದೇಹವನ್ನು ಕಾಸರಗೋಡು ಜನರಲ್ ಆಸ್ಪತ್ರೆಯಲ್ಲಿ ಮಹಜರು ನಡೆಸಿ ಸಂಬಂಧಪಟ್ಟವರಿಗೆ ಬಿಟ್ಟುಕೊಡಲಾಯಿತು.ಮೃತರು ತಂದೆ,ತಾಯಿ,ಸಹೋದರನನ್ನು ಅಗಲಿದ್ದಾರೆ.