ಬದಿಯಡ್ಕ: ಡಿಸೆಂಬರ್ 9ರಿಂದ 13ರ ತನಕ ಬದಿಯಡ್ಕದಲ್ಲಿ ನಡೆಯುವ ವಿಶ್ವ ತುಳುವೆರೆ ಆಯನೊದಲ್ಲಿ ಭೂತನಾಥೇಶ್ವರ ಕ್ರೀಡೋತ್ಸವ ಕಾರ್ಯಕ್ರಮಕ್ಕೆ ರಂಗೇರಿಸಲಿದೆ. ತುಳುನಾಡಿನ ಪುರಾತನ ಕ್ರೀಡೆಗಳು ಹಾಗೂ ಜನ ಮನರಂಜನೆಗೆ ಒತ್ತುನೀಡುವ ಕೆಲವೊಂದು ಆಕರ್ಷಣೀಯ ಕ್ರೀಡೆಗಳೊಂದಿಗೆ ಜನ ಮನಸೂರೆಗೊಂಡು ತನ್ನದೇ ಆದ ದಾಖಲೆ ನಿರ್ಮಿಸಿರುವ ಮಂಗಳೂರಿನ ಬಡಗು ಎಡಪದವಿನ ಶ್ರೀ ಶಾಸ್ತಾವು ಭೂತನಾಥೇಶ್ವರ ಕ್ರೀಡಾ ಸಮಿತಿಯ ನೇತೃತ್ವದಲ್ಲಿ ಕ್ರೀಡೋತ್ಸವ ಆಯೋಜಿಸುವುದಾಗಿ ಶ್ರೀ ವಿಜಯನಾಥ ವಿಠಲ ಶೆಟ್ಟಿಯವರು ಹೇಳಿದರು.

ತುಳುವೆರೆ ಆಯನೊ ಕೂಟದ ಸದಸ್ಯರು ಅವರನ್ನು ಭೇಟಿಯಾದ ಸಂದರ್ಭದಲ್ಲಿ ಮಾತನಾಡಿದ ಅವರು ವಿಶ್ವ ತುಳುವೆರೆ ಆಯನೊವು ಯಶಸ್ವಿಯಾಗಲಿ. ತುಳುನಾಡಿನಲ್ಲಿ ಹೊಸ ದಾಖಲೆ ನಿರ್ಮಿಸಲಿ ಎಂದು ಶುಭ ಹಾರೈಸಿದರು.ಜೊತೆಗೆ ಕ್ರೀಡೋತ್ಸವದ ಜವಾಬ್ದಾರಿಯನ್ನು ವಹಿಸಿಕೊಳ್ಳುವುದಾಗಿ ಭರವಸೆ ನೀಡಿದರು. ಈ ಸಂದರ್ಭದಲ್ಲಿ ಶಾಸ್ತಾವು ಭೂತನಾಥೇಶ್ವರ ಕ್ರೀಡಾ ಸಮಿತಿಯ ಪ್ರೇಮನಾಥ ಶೆಟ್ಟಿ, ಕುಸುಮಾಕರ, ಡಾ. ರಾಜೇಶ್ ಆಳ್ವ ಬದಿಯಡ್ಕ, ಹರ್ಷ ರೈ ಪುತ್ರಕಳ ಮೊದಲಾದವರು ಉಪಸ್ಥಿತರಿದ್ದರು.