ಮಂಗಳೂರು: ಭಜರಂಗದಳ ಕಾರ್ಯಕರ್ತ ಹಾಗೂ ರೌಡಿ ಶೀಟರ್‌ ಶರಣ್‌ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೊಲೆರೋ ಕಾರಿನ ಸಮೇತ ಐವರನ್ನು ವಶಕ್ಕೆ ಪಡೆಯಲಾಗಿದೆ ಎಂದು ತಿಳಿದು ಬಂದಿದೆ.

ಶರಣ್ ಹಂತಕರು ಬೊಲೆರೋ ಕಾರಿನಲ್ಲಿ ಬಂದು ಈ ಕೃತ್ಯ ಎಸಗಿದ್ದರು ಎಂಬ ಬಗ್ಗೆ ಪೊಲೀಸರಿಗೆ ಖಚಿತ ಮಾಹಿತಿಯೊಂದು ದೊರೆತಿತ್ತು. ಕೊಲೆ ನಡೆದ ಕೆಲವೇ ಕ್ಷಣದಲ್ಲಿ ಕಾರ್ಯಪ್ರವೃತರಾದ ಪೊಲೀಸ್ ತಂಡ ಹಂತಕರಿಗಾಗಿ ಜಿಲ್ಲೆಯಾದ್ಯಂತ ವ್ಯಾಪಕ ಬಲೆ ಬೀಸಿದ್ದರು.

ಈ ನಡುವೆ ಕೊಲೆ ನಡೆದ ಕೆಲವೇ ಸಮಯದಲ್ಲಿ ಹಂತಕರು ಪರಾರಿಯಾಗಲು ಯತ್ನಿಸುತ್ತಿದ್ದ ಬೊಲೆರೋ ಕಾರನ್ನು ಪೊಲೀಸರು ಬಿ.ಸಿ.ರೋಡ್ ಟೋಲ್‍ಗೇಟ್ ಬಳಿ ತಡೆದು ನಿಲ್ಲಿಸಿ ಅದರಲ್ಲಿದ್ದ ಐವರನ್ನು ವಶಕ್ಕೆ ಪಡೆದಿದ್ದಾರೆ ಎಂದು ತಿಳಿದುಬಂದಿದೆ.

ಮೂಡುಶೆಡ್ಡೆಯ ರಿಜ್ಜು ಯಾನೆ ರಿಝ್ವಾನ್, ವಾಮಂಜೂರಿನ ರಾಯಿಫ್, ಶಾರುಖ್, ವಾಮಂಜೂರಿನ ಮುಸ್ತಫಾ, ಗುರುಪುರದ ನವಾಝ್ ಬಂಧಿತರು ಎಂದು ಹೇಳಲಾಗುತ್ತಿದೆ. ಆದರೆ ಪೊಲೀಸ್ ಇಲಾಖೆ ಮಾತ್ರ ಈ ಬಗ್ಗೆ ದೃಢಪಡಿಸಿಲ್ಲ.