ಬದಿಯಡ್ಕ: ಪ್ರಬುದ್ದ ಕಲಾವಿದರನ್ನು ಪ್ರೋತ್ಸಾಹಿಸಿ ಅವರನ್ನು ಬೆಳೆಸುವ ನಿಟ್ಟಿನಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದು ಕಲೆ,ಸಂಸ್ಕೃತಿಗಳ ಪುನರುತ್ಥಾನಕ್ಕೆ ಬಲ ನೀಡಿದಂತಾಗುತ್ತದೆ.ಈ ಹಿನ್ನೆಲೆಯಲ್ಲಿ ಕಲಾವಿದರ ಕಲಾಸೇವೆಯ ಬಹು ವರ್ಷಗಳ ಸೇವೆಯನ್ನು ಮನ್ನಿಸಿ ಹಬ್ಬದಂತೆ ಸಂಭ್ರಮಿಸುವುದು ಯಕ್ಷಗಾನದ ಮಟ್ಟಿಗೆ ಯಶಸ್ವಿ ಕಾರ್ಯಕ್ರಮವೆಂದು ಪಾರ್ತಿಸುಬ್ಬ ಯಕ್ಷಗಾನ ಅಕಾಡೆಮಿ ಅಧ್ಯಕ್ಷ ಜಯರಾಮ ಮಂಜತ್ತಾಯ ಎಡನೀರು ಅಭಿಪ್ರಾಯ ವ್ಯಕ್ತಪಡಿಸಿದರು.

ಹಿರಿಯ ಯಕ್ಷಗಾನ ಕಲಾವಿದ ಮಾನ್ಯ ಸಂತೋಷ್ ಕುಮಾರ್ ರವರ ರಜತ ಸಂಭ್ರಮ ಅಭಿನಂದನಾ ಸಮಿತಿ ಭಾನುವಾರ ಮಾನ್ಯ ಜ್ಞಾನೋದಯ ಶಾಲಾ ವಠಾರದಲ್ಲಿ ಆಯೋಜಿಸಿದ್ದ ವಿಜ್ಞಾಪನಾ ಪತ್ರ ಬಿಡುಗಡೆಗೊಳಿಸಿ ಅವರು ಮಾತನಾಡುತ್ತಿದ್ದರು.

ಮಾನ್ಯ ಸಂತೋಷ್ ಕುಮಾರ್ ಅಭಿನಂದನಾ ಸಮಿತಿ ಅಧ್ಯಕ್ಷ ಅಡ್ವ.ಮೋಹನ ಮಾನ್ಯ,ಮಾವೆ ದಿನಕರ ಭಟ್ ಮಸ್ಕತ್,ಎಂ.ಎ ರವೀಂದ್ರ ಮಾಸ್ಟರ್ ಮಾನ್ಯ,ಕೃಷ್ಣ ಪ್ರಕಾಶ ಬಳ್ಳಂಬೆಟ್ಟು,ಸಂತೋಷ್ ಕುಮಾರ್ ಮಾನ್ಯ,ಗೋಪಾಲಕೃಷ್ಣ ಭಟ್ ಪಟ್ಟಾಜೆ,ಸುಂದರ ಶೆಟ್ಟಿ ಕೊಲ್ಲಂಗಾನ ಮೊದಲಾದವರು ಉಪಸ್ಥಿತರಿದ್ದರು.

ರಜತ ಸಂಭ್ರಮದ ಪ್ರಧಾ ಕಾರ್ಯದರ್ಶಿ ಶ್ಯಾಮ ಪ್ರಸಾದ ಮಾನ್ಯ ಸ್ವಾಗತಿಸಿ, ವಿಜಯಕುಮಾರ್ ಮಾನ್ಯ ವಂದಿಸಿದರು.

ಮಾನ್ಯ ಸಂತೋಷ್ ಕುಮಾರ್ ರಜತ ಅಭಿನಂದನೆ,ಬಯಲಾಟ ಕಾರ್ಯಕ್ರಮ ನವಂಬರ್ 22 ರಂದು ಮಾನ್ಯ ಜ್ಞಾನೋದಯ ಶಾಲಾ ವಠಾರದಲ್ಲಿ ನಡೆಯಲಿದ್ದು ಮಹೋನ್ನತ ಕಲಾವಿದರ ಕೂಡುವಿಕೆಯಲ್ಲಿ ಯಕ್ಷಗಾನ ಬಯಲಾಟ ಸಹಿತ ವಿವಿಧ ಕಾರ್ಯಕ್ರಮಗಳು ನಡೆಯಲಿವೆ.