ಉಡುಪಿ : ಮುರುಡೇಶ್ವರ ಪ್ರವಾಸಕ್ಕೆ ಬಂದಿದ್ದ ಬೆಂಗಳೂರು ನಿಟ್ಟೆ ಬಿ.ಬಿ.ಎಂ ಕಾಲೇಜಿನ ವಿದ್ಯಾರ್ಥಿಗಳಲ್ಲಿ ಮೂವರು ಈಜಲು ಸಮುದ್ರಕ್ಕಿಳಿದು  ಸಮುದ್ರ ಪಾಲಾದ ಘಟನೆ ಇಂದು ಬೆಳಿಗ್ಗೆ ಸಂಭವಿಸಿದ್ದು, ಕಾಣೆಯಾದವರಿಗಾಗಿ ಹುಡುಕಾಟ ಮುಂದುವರಿದಿದೆ. 

ನಿಟ್ಟೆ ಬಿ.ಬಿ.ಎಂ ಕಾಲೇಜಿನ  ತೇಜಸ್ ವೆಂಕಟರಾಮಯ್ಯ, ಧಿನೀನ್ ರಾಜ್, ಹಾಗೂ ತೇಜಸ್ ಮಂಜುನಾಥ್ ಇವರು ಬೆಳಿಗ್ಗೆ ದೇವರ ದರುಶನಗೈದು ಈಜಲು ಸಮುದ್ರಕ್ಕಿಳಿದರು,  ಕೆಲವೇ ಕ್ಷಣದಲ್ಲಿ ವಿದ್ಯಾರ್ಥಿಗಳು ಸಮುದ್ರದ ದೈತ್ಯ ಅಲೆಗಳ ಹೊಡೆತಕ್ಕೆ ನೀರು ಪಾಲಾದರು ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ . ಪೋಲಿಸರು ಹಾಗೂ ಸ್ಥಳೀಯ ಮೀನುಗಾರರು ಮೂವರ ಮೃತದೇಹವನ್ನು ಹುಡುಕುವ ಪ್ರಯತ್ನಕ್ಕೆ ಸಮುದ್ರದ ಭಾರೀ ಅಲೆಗಳು ತಡೆಯುತ್ತಿದೆ. 

ಬೆಂಗಳೂರಿನ 7 ಜನ ವಿದ್ಯಾರ್ಥಿಗಳು  ಕರ್ನಾಟಕದ ವಿವಿಧ ಪ್ರೇಕ್ಷಣೀಯ ಸ್ಥಳಗಳನ್ನು ಸಂದರ್ಶಿಸಿದ ನಂತರ ಮುರುಡೇಶ್ವರಕ್ಕೆ ಬಂದಿದ್ದರು ಎನ್ನಲಾಗಿದೆ.