ಮಂಜೇಶ್ವರ: ಅನಧಿಕೃತ ಮರಳು ಸಾಗಾಟ ವ್ಯಾಪಕಗೊಂಡ ಹಿನ್ನೆಲೆಯಲ್ಲಿ ಮಂಜೇಶ್ವರ ಪೊಲೀಸರು ಸೋಮವಾರ ರಾತ್ರಿ ಹಾಗೂ ಮಂಗಳವಾರ ಮುಂಜಾನೆ ನಡೆಸಿದ ಕಾರ್ಯಾಚರಣೆಯಲ್ಲಿ 2 ಲಾರಿ ಹಾಗೂ 1 ಪಿಕ್‌ಅಪ್ ವಾಹನವನ್ನು ವಶಪಡಿಸಿಕೊಂಡಿದ್ದಾರೆ.

ಈ ಸಂಬಂಧ 7 ಮಂದಿಯನ್ನು ಸೆರೆಹಿಡಿಯಲಾಗಿದೆ. ತಲಪಾಡಿ ಭಾಗದಿಂದ ಕಾಸರಗೋಡು ಕಡೆಗೆ ಸಾಗಿಸುತ್ತಿದ್ದ ಮರಳು ತುಂಬಿದ ಪಿಕ್‌ಅಪ್‌ನ್ನು ಸೋಮವಾರ ವಶಪಡಿಸಿದ್ದು ಚಾಲಕ ಕಡಂಬಾರ್ ನಿವಾಸಿ ಜಯರಾಜ್ (28) ಎಂಬಾತನನ್ನು ಬಂಧಿಸಲಾಗಿದೆ.

ಪಿಕ್‌ಅಪ್‌ನಲ್ಲಿ ಸುಮಾರು 30 ಚೀಲ ಮರಳು ತುಂಬಿಸಿಡಲಾಗಿತ್ತು. ಇದೇವೇಳೆ ಇನ್ನೊಂದು ಮರಳು ಲಾರಿಯನ್ನು ವಶಪಡಿಸಿ ಚಾಲಕ ಮಂಗಳೂರು ನಿವಾಸಿ ಅಬ್ದುಲ್ ರಜಾಕ್ (23) ಎಂಬಾತನನ್ನು ಬಂಧಿಸಲಾಗಿದೆ.

ಮಂಗಳವಾರ ಮುಂಜಾನೆ ಎಸ್.ಐ ಪಿ. ಪ್ರಮೋದ್ ನೇತೃತ್ವದ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಆನೆಕಲ್ಲು ಭಾಗದಿಂದ ಹೊಸಂಗಡಿಯತ್ತ ತೆರಳುತ್ತಿದ್ದ ಮರಳು ಹೇರಿದ ಐದು ಲಾರಿಗಳನ್ನು ದುರ್ಗಿಪಳ್ಳದಿಂದ ವಶಪಡಿಸಿ ಈ ಸಂಬಂದ 5 ಮಂದಿ ಚಾಲಕರನ್ನು ಸೆರೆಹಿಡಿದಿದ್ದಾರೆ. ಇವರ ವಿರುದ್ದ ಮರಳು ಕಳವು ಪ್ರಕರಣ ದಾಖಲಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.