ಮಂಗಳೂರು : ಮಂಗಳೂರು ಶಾಸಕ  ಯು.ಟಿ. ಖಾದರ್ ತನ್ನ  ಕ್ಷೇತ್ರದ ಮುಡಿಪು ರಸ್ತೆಯ ಕಾಮಗಾರಿಗೆ ಸೋಮವಾರ ಸಚಿವರೇ ಜೆಸಿಬಿ ಯಂತ್ರ ಹತ್ತಿ ಸ್ವತಃ ತಾವೇ ಜೆ.ಸಿ.ಬಿ ವಾಹನ ಚಲಾಯಿಸಿ, ಕಾಮಗಾರಿಗೆ ಚಾಲನೆ ನೀಡಿದರು.

ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿದ್ದ  ಯು.ಟಿ. ಖಾದರ್ ಜೆಸಿಬಿ ಯಂತ್ರ ಚಲಾಯಿಸುವುದನ್ನು ಕಂಡ ನೆರೆದಿದ್ದ ಜನರು ಅಚ್ಚರಿ ಗೊಂಡರು.

ಖಾದರ್ ದೂರದಿಂದ ಸಚಿವರ ಮುಖ ಪರಿಚಯ ಸ್ಪಷ್ಟವಾಗಿ ತಿಳಿಯದ ವ್ಯಕ್ತಿಯೊಬ್ಬರು, “ಇದೇನು? ಜೆ.ಸಿ.ಬಿ ವಾಹನ ಡ್ರೈವರ್ ಇಷ್ಟು ಟಿಪ್ ಟಾಪ್ ಆಗಿದ್ದಾರೆ ಅಲ್ವಾ?” ಎಂದು ಹೇಳಿದ್ದನ್ನು ಕಂಡು ಮತ್ತೊಬ್ಬರು ಹೇಳಿದರು: “ಅದು ಜೆ.ಸಿ.ಬಿ ಡ್ರೈವರ್ ಅಲ್ಲ, ನಮ್ಮ ಮಿನಿಸ್ಟರ್ ಖಾದರ್ ಸಾಹೇಬ್ರು”. ಯು.ಟಿ‌. ಖಾದರ್ ಅವರ ಸರಳತೆ ಇದೇ ಮೊದಲೇನಲ್ಲ. ಹಿಂದೆಯೂ ಹಲವು ಈ ರೀತಿಯ ಘಟನೆಗಳಿಗೆ ಸಚಿವರು ಉದಾಹರಣೆಯಾಗಿದ್ದರು. ರಾಜ್ಯದ ಸಚಿವರೊಬ್ಬರು ಜೆಸಿಬಿ ಯಂತ್ರ ವಾಹನ ಹತ್ತಿ ಕಾಮಗಾರಿಗೆ ಚಾಲನೆ ನೀಡಿದ್ದು ಅಚ್ಚರಿಗೆ ಕಾರಣವಾಯಿತು.