ಮಂಗಳೂರು: ಕರಾವಳಿ ಉತ್ಸವದ ಉದ್ಘಾಟನೆಗೆ ಬಂದಿದ್ದ ನಟ ಪ್ರಕಾಶ್ ರೈ ಮೇಲೆ ಮೊಟ್ಟೆ ಎಸೆಯಲು ಹೊಂಚು ಹಾಕುತ್ತಿದ್ದ ಲತೀಶ್ ಎಂಬಾತನನ್ನು ಬರ್ಕೆ ಪೊಲೀಸರು ಬಂಧಿಸಿ, ಪ್ರಶಂಸೆಗೆ ಒಳಗಾಗಿದ್ದಾರೆ.

ಕರಾವಳಿ ಉತ್ಸವದ ಸಂದರ್ಭದಲ್ಲಿ ಪ್ರಕಾಶ್ ರೈ ಮೇಲೆ ಮೊಟ್ಟೆ ಎಸೆಯಲು ಹೊಂಚು ಹಾಕಿದ್ದನ್ನು ಗಮನಿಸಿದ, ಅದೇ ಸ್ಥಳದಲ್ಲಿದ್ದ ಪೇದೆಗಳಾದ ನಾಗರಾಜ್ ಹಾಗೂ ಮಹೇಶ್ ತಮ್ಮ ಸಮಯಪ್ರಜ್ಞೆಯಿಂದ ಘಟನೆ ನಡೆಯುವ ಮುನ್ನವೇ ಆರೋಪಿಯನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಆರೋಪಿಯನ್ನು ವಶಕ್ಕೆ ಪಡೆದ ವಿಷಯ ತಿಳಿದ ಪೊಲೀಸ್ ಕಮಿಷನರ್ ಅವರು, ಪೇದೆಗಳಾದ ಟಿ.ಆರ್. ಸುರೇಶ್ ನಾಗರಾಜ್ ಹಾಗೂ ಮಹೇಶ್‌‌ಗೆ ನಗದು ಬಹುಮಾನ ನೀಡಿ ಪ್ರಶಂಸಿಸಿದ್ದಾರೆ.