ಮಂಗಳೂರು: ಬಡವರ ದುಡ್ಡು ನುಂಗುವ ಅಧಿಕಾರಿಗಳಿಂದ ಕಸಿದು ಮತ್ತೆ ಬಡವರಿಗೆ ಹಂಚಿದ ನಿಷ್ಠಾವಂತ ಎಸ್ಐ ನಂದಕುಮಾರ್ ಅವರ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಶ್ಲಾಘನೆ ವ್ಯಕ್ತವಾಗಿದೆ.

ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ವತಿಯಿಂದ 2016ರಲ್ಲಿ ರಸ್ತೆ ಸಮೀಪದ ಮನೆಗಳನ್ನು ತೆರವುಗೊಳಿಸಿ, ಸಂತ್ರಸ್ತರಿಗೆ ಪರಿಹಾರವನ್ನೂ ನೀಡಿತ್ತು. ಆದರೆ ಆ ಸಂದರ್ಭ ಬಡ ಕುಟುಂಬದ ಮಹಿಳೆಯೊಬ್ಬರಿಗೆ ಭೂ ಸ್ವಾಧೀನ ಮಾಡಿದ ಹೆದ್ದಾರಿ ಪ್ರಾಧಿಕಾರ 5.20ಲಕ್ಷ ರೂ. ಪರಿಹಾರ ನೀಡಬೇಕಿತ್ತು. ಆದರೆ, ಮಧ್ಯವರ್ತಿಗಳ ತಂಡವೊಂದು 4.30ಲಕ್ಷ ರೂ. ವಂಚನೆ ಮಾಡಿತ್ತು.

ಇದರಿಂದ ನೊಂದ ಆ ಮಹಿಳೆ ಉಪ್ಪಿನಂಗಡಿ ಠಾಣೆಯ ಎಸ್ಐ ನಂದಕುಮಾರ್ ಅವರಲ್ಲಿ ನೋವನ್ನು ತೋಡಿಕೊಂಡರು. ಮಧ್ಯವರ್ತಿಗಳಿಂದ ವಂಚನೆಗೊಳಗಾದ ಮಾಹಿತಿ ಕಲೆಹಾಕಿದ ಎಸ್ಐ, ವಂಚಿಸಿದ ಅಷ್ಟೂ ಹಣವನ್ನು 24 ಗಂಟೆಯೊಳಗೆ ಬಡ ಮಹಿಳೆಗೆ ತಲುಪಿಸುವ ಮೂಲಕ ಮಾದರಿಯಾಗಿದ್ದಾರೆ.

ಹೀಗೆ ಎಸ್ಐ ನಂದಕುಮಾರ್ ಕಾರ್ಯಕ್ಕೆ ಸಾರ್ವಜನಿಕರಿಂದ ಪ್ರಶಂಸೆ ವ್ಯಕ್ತವಾಗಿದೆ.