ಧರ್ಮಸ್ಥಳ: ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ‘ಸರಿಗಮಪ ಲಿಟ್ಸ್ ಚಾಂಪ್ಸ್‌’ ಸ್ಪರ್ಧೆಯ ಎಪಿಸೋಡ್‌ ಒಂದಕ್ಕೆ ಧರ್ಮಸ್ಥಳದ ಧರ್ಮಾಧಿಕಾರಿ ವಿರೇಂದ್ರ ಹೆಗ್ಗಡೆ ವಿಶೇಷ ಅತಿಥಿಯಾಗಿ ಭಾಗವಹಿಸಿದ್ದಾರೆ.

ಪ್ರಸ್ತುತ 14 ನೇ ಸೀಸನ್ ಪ್ರಸಾರವಾಗುತ್ತಿದ್ದು ಇತ್ತೀಚೆಗೆ ಖ್ಯಾತ ಹಿನ್ನೆಲೆ ಗಾಯಕ ಎಸ್‌‌‌‌.ಪಿ. ಬಾಲಸುಬ್ರಹ್ಮಣ್ಯಂ ಈ ಕಾರ್ಯಕ್ರಮಕ್ಕೆ ವಿಶೇಷ ಅತಿಥಿಯಾಗಿ ಆಗಮಿಸಿದ್ದರು. ಈಗಾಗಲೇ ಕಾರ್ಯಕ್ರಮದ ಚಿತ್ರೀಕರಣ ಜರುಗಿದ್ದು ಮುಂದಿನ ಶನಿವಾರ ಹಾಗೂ ಭಾನುವಾರ ವಿರೇಂದ್ರ ಹೆಗ್ಗಡೆ ಅವರು ಭಾಗವಹಿಸಿರುವ ಎಪಿಸೋಡ್ ಪ್ರಸಾರವಾಗಲಿದೆ. ಆ ಎರಡೂ ಎಪಿಸೋಡ್‌‌ಗಳನ್ನು ಅವರಿಗೆ ಸಮರ್ಪಿಸುತ್ತಿದ್ದೇವೆ. ಇನ್ನು ಅಂತಹ ಮಹಾನ್‌ ವ್ಯಕ್ತಿಯ ಮುಂದೆ ಹಾಡುವಂತ ಅವಕಾಶ ಪಡೆದಿರುವುದು ಸ್ಪರ್ಧಿಗಳ ಅದೃಷ್ಟ ಎಂದು ವಾಹಿನಿಯ ವಕ್ತಾರರು ಹೇಳಿದ್ದಾರೆ.

ಕಳೆದ ವಾರದ ಎಪಿಸೋಡ್‌‌ನಲ್ಲಿ ಈ ಹಿಂದಿನ ಸೀಸನ್‌‌ನ ಸ್ಪರ್ಧಿಗಳಾಗಿದ್ದ ಚೆನ್ನಪ್ಪ, ಮಹಬೂಬ್‌ ಖಾನ್‌‌, ಸಂಚಿತಾ ಹೆಗ್ಡೆ, ಸುಹಾನಾ ಹಾಗೂ ಇನ್ನಿತರರು ಆಗಮಿಸಿದ್ದರು. ಇವರೆಲ್ಲರೂ ಪ್ರಸ್ತುತ ಸ್ಪರ್ಧಿಗಳಾದ ಲಕ್ಷ್ಮಿ, ಜ್ಞಾನೇಶ್‌‌‌‌, ರುಚಿತಾ, ತೇಜಸ್‌ ಜೊತೆ ಹಾಡಿದ್ದರು. ಕಾರ್ಯಕ್ರಮದಲ್ಲಿ ಖ್ಯಾತ ಸಂಗೀತ ನಿರ್ದೇಶಕ ಹಂಸಲೇಖ, ವಿಜಯ್‌ ಪ್ರಕಾಶ್‌‌‌‌, ಅರ್ಜುನ್ ಜನ್ಯ ತೀರ್ಪುಗಾರರಾಗಿದ್ದಾರೆ.