ಬೆಂಗಳೂರು: ಮೇ ತಿಂಗಳಿನಲ್ಲಿ‌ ನಡೆಯಲಿರುವ ರಾಜ್ಯ ವಿಧಾನಸಭಾ ಚುನಾವಣೆಯಲ್ಲಿ ರಾಜರಾಜೇಶ್ವರಿ ನಗರ ಕ್ಷೇತ್ರದಿಂದ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸುತ್ತೇವೆ ಎಂದು‌ ನಟ ಹುಚ್ಚ ವೆಂಕಟ್ ಹೇಳಿದ್ದಾರೆ.

ಪ್ರೆಸ್‌ಕ್ಲಬ್‌ನಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಈಗಾಗಲೇ ಇತರ ಪಕ್ಷಗಳ ಅಭ್ಯರ್ಥಿಗಳು ಸೀರೆ, ಕುಕ್ಕರ್, ಹೆಂಡ ನೀಡುತ್ತಿದ್ದಾರೆ. ಹಾಲಿ ಶಾಸಕ ಮುನಿರತ್ನ ವಿರುದ್ಧ ನಾನು ಮಾಡೋ ಚುನಾವಣಾ ಪ್ರಚಾರ ಯಾರೂ ಮಾಡಕ್ಕಾಗಲ್ಲ. ಮೋದಿ, ಒಬಾಮಾ ಯಾರಿಂದಲೂ ನನ್ನಂತೆ ಪ್ರಚಾರ ಮಾಡೋಕೆ ಆಗಲ್ಲ. ಕಾರಣ ನಾನು ಕುಕ್ಕರ್, ಸೀರೆ ಕೊಟ್ಟು ಪ್ರಚಾರ ಮಾಡಲ್ಲ. ಮೋದಿ ಒಬಾಮಾರಿಗಿಂತ ಬೇರೆ ತರ ಪ್ರಚಾರ ಮಾಡ್ತಿನಿ ಎಂದರು.

ನನಗೆ ಯಾವುದೇ ಪಕ್ಷ ಟಿಕೆಟ್ ನೀಡಲ್ಲ. ಹಾಗಾಗಿ ನಾನು ಪಕ್ಷೇತರನಾಗಿ ಸ್ಪರ್ಧೆ ಮಾಡುತ್ತೇನೆ. ರಾಜರಾಜೇಶ್ವರಿ ಕ್ಷೇತ್ರದಿಂದ ಗೆದ್ದು ಮುಂದೆ ಮೋದಿ ಅವರ ಹತ್ರ ಮಾತಾಡಿ ಐದು ದಿನ ಪ್ರಧಾನಿ ಆಗ್ತೀನಿ. ಆ ಐದು ದಿನದಲ್ಲಿ ಜನರನ್ನು ಉದ್ಧಾರ ಮಾಡ್ತಿನಿ. ಆ ಮೇಲೆ ದೇಶ ಉದ್ಧಾರ ಮಾಡ್ತಿನಿ ಎಂದರು.