ಆರ್ ಆರ್ ನಗರ: ನಕಲಿ ಗುರುತಿನ ಚೀಟಿ ತಯಾರು ಪ್ರಕರಣದ ಹಿನ್ನಲೆಯಲ್ಲಿ ಆರ್ ಆರ್ ನಗರದ ಚುನಾವಣೆಯನ್ನು ಎರಡು ವಾರಗಳ ಕಾಲ ಮುಂದೂಡಲಾಗಿತ್ತು. ಇಂದು ಆರ್ ಆರ್ ನಗರ ಕ್ಷೇತ್ರದ ಚುನಾವಣೆ ಬೆಳಗ್ಗಿನಿಂದ ನಡೆಯುತ್ತಿದೆ. ರಾಜರಾಜೇಶ್ವರಿ ನಗರದಲ್ಲಿಯೂ ಸಾಕಷ್ಟು ಸಿನಿಮಾ ಕಲಾವಿದರು ವಾಸವಾಗಿದ್ದು ಮೇ 12 ರಂದು ಮತದಾನ ಮಾಡಲು ಸಾಧ್ಯವಾಗದವರು ಇಂದು ತಮ್ಮ ಹಕ್ಕನ್ನು ಚಲಾಯಿಸಿದ್ದಾರೆ. ಹಾಗಾದರೆ ಯಾವ ಕಲಾವಿದರು ಆರ್ ಆರ್ ನಗರದ ಕ್ಷೇತ್ರದಲ್ಲಿ ಮತದಾನ ಮಾಡಿದರು ಎನ್ನುವುದರ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಫೋಟೋ ಸ್ಲೈಡ್ ಗಳ ಮೂಲಕ ಓದಿ ಫ್ಯಾಮಿಲಿ ಜೊತೆ ಮತದಾನ ಮಾಡಿದ ಅಮೂಲ್ಯ ನಟಿ ಅಮೂಲ್ಯ ಅವರ ಮಾವ ಆರ್ ಆರ್ ನಗರದಿಂದ ಜೆ ಡಿ ಎಸ್ ಅಭ್ಯರ್ಥಿಯಾಗಿ ಈ ಬಾರಿ ಚುನಾವಣೆಯಲ್ಲಿ ಸ್ಪರ್ಧೆ ಮಾಡಿದ್ದಾರೆ. ನಟಿ ಅಮೂಲ್ಯ ಇಂದು ತಮ್ಮ ಕುಟುಂಬದ ಜೊತೆಯಲ್ಲಿ ಮತದಾನ ಮಾಡಿ ಬಂದಿದ್ದಾರೆ.ಮತದಾನ ಮಾಡಿದ ಮಾಳವಿಕಾ-ಅವಿನಾಶ್ ಸಿನಿಮಾ ಕಲಾವಿದೆ ಹಾಗೂ ರಾಜಕೀಯ ಪಕ್ಷದಲ್ಲಿ ಗುರುತಿಸಿಕೊಂಡಿರುವ ನಟಿ ಮಾಳವಿಕಾ ಪತಿ ಅವಿನಾಶ್ ಇಬ್ಬರು ಒಟ್ಟಿಗೆ ಬಂದು ಮತದಾನ ಮಾಡಿದ್ದಾರೆ.

ನಂತರ ಇಬ್ಬರು ಜೊತೆಗಿರುವ ಫೋಟೋ ತೆಗೆದುಕೊಂಡು ಟ್ವಿಟ್ಟರ್ ನಲ್ಲಿ ನಮ್ಮ ಕೆಲಸವನ್ನು ಮಾಡಿದ್ದೇವೆ ಎಂದು ಟ್ವೀಟ್ ಮಾಡಿದ್ದಾರೆ. ಮತದಾನ ಮಾಡಿದ ಗೋಲ್ಡನ್ ಸ್ಟಾರ್ ಆರ್ ಆರ್ ನಗರದ ಬಿಜೆಪಿ ಪಕ್ಷದ ಟಿಕೆಟ್ ಆಕಾಂಕ್ಷಿ ಆಗಿದ್ದ ನಿರ್ಮಾಪಕಿ ಶಿಲ್ಪಾ ಗಣೇಶ್ ಹಾಗೂ ನಟ ಗಣೇಶ್ ಇಬ್ಬರು ಮೌಂಟ್ ಕಾರ್ಮೆಲ್ ಸಾಲೆಯಲ್ಲಿ ಮತದಾನ ಮಾಡಿದ್ದಾರೆ. ವೋಟ್ ಮಾಡಿದ ಕಾವ್ಯ ಶಾಸ್ತ್ರಿ ಕಿರುತೆರೆ ಹಾಗೂ ಬೆಳ್ಳಿತೆರೆಯಲ್ಲಿ ಗುರುತಿಸಿಕೊಂಡಿರುವ ನಟಿ ಕಾವ್ಯ ಶಾಸ್ತ್ರಿ ಕೂಡ ಇಂದು ತಮ್ಮ ಹಕ್ಕನ್ನು ಮತದಾನ ಮಾಡುವ ಮೂಲಕ ಚಲಾಯಿಸಿದ್ದಾರೆ.