ಮಂಗಳೂರು: ಮಳೆಗಾಲದಲ್ಲಿ ಏನೆಲ್ಲಾ ಆಫರ್ ಗಳು ಬರುತ್ತವೆ ನೋಡಿ. ಎರಡು ಫ್ಲಾಟ್‌ ಖರೀದಿಸಿದರೆ ಒಂದು ಫ್ಲಾಟ್‌ ಉಚಿತ ಇದು ಮಂಗಳೂರಿಗರಿಗೆ ಹೊಸ ಕೊಡುಗೆ. ಹಾಗೆಂದು ಮೊಬೈಲ್‌ ಫೋನ್‌ನಲ್ಲಿ ಎಸ್‌ಎಂಎಸ್‌ ಕಳುಹಿಸಿ ಜನರನ್ನು ವಂಚಿಸಲು ಯತ್ನಿಸಿದ ಆರೋಪಿ ಬಜಪೆಯ ಮಹಮದ್‌ ಅನ್ಸಾರ್‌ (30) ನನ್ನು ಬಂದರು ಪೊಲೀಸರು ಬಂಧಿಸಿದ್ದಾರೆ.

ಫ್ಲಾಟ್‌ ವೀಕ್ಷಿಸಲು ಬರುವ ಗ್ರಾಹಕರಿಗೆ ಆರೋಪಿ ಮಹಮದ್‌ ಅನ್ಸಾರ್‌ ನಿರ್ಮಾಣ ಹಂತದಲ್ಲಿರುವ ಎರಡು ಫ್ಲಾಟ್‌ಗಳನ್ನು ತೋರಿಸಿ ನಂಬಿಸುತ್ತಿದ್ದ ಎಂದು ಆರೋಪಿಸಲಾಗಿದೆ.

ಬಿಲ್ಡರ್‌ ಸಂಸ್ಥೆಯೊಂದರ ಮ್ಯಾನೇಜರ್‌ ನೀಡಿದ ದೂರಿನನ್ವಯ ಪೊಲೀಸರು ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ದಸ್ತಗಿರಿ ಮಾಡಿದ್ದಾರೆ. ಬಂದರು ಠಾಣೆಯಲ್ಲಿ ಕೇಸು ದಾಖಲಾಗಿದೆ.