ಮುಂಬೈ: ದೇಶದ ರೂಪಾಯಿ ಮೌಲ್ಯ ಇಂದು ಸಾರ್ವಕಾಲಿಕ ಕುಸಿತ ಕಂಡಿದೆ. ಇದೇ ಮೊದಲ ಬಾರಿಗೆ ರೂಪಾಯಿ ಮೌಲ್ಯ ಡಾಲರ್ವೊಂದಕ್ಕೆ 69 ರೂಪಾಯಿ ಏರಿಕೆ ಆಗುವ ಮೂಲಕ ಸಾರ್ವಕಾಲಿಕ ಕುಸಿದಿದೆ.

ಗುರುವಾರ ಬೆಳಗಿನ ಟ್ರೆಂಡ್ ಪ್ರಕಾರ ಯುಎಸ್ ಡಾಲರ್ ಎದುರು ರೂಪಾಯಿ ಮೌಲ್ಯ 69 ರೂಪಾಯಿ ಆಗಿದೆ. ಇಂದು ಬೆಳಗ್ಗೆ 49 ಪೈಸೆ ಕುಸಿತ ಕಂಡು 69.10 ರೂಪಾಯಿಗಳ ಪಾತಾಳಕ್ಕಿಳಿತು.

ಬುಧವಾರ ರೂಪಾಯಿ ಮೌಲ್ಯ ಡಾಲರ್ ಮುಂದೆ 37 ಪೈಸೆ ಕುಸಿದು 68.61 ರೂಪಾಯಿಗೆ ನಿಂತಿತ್ತು. ಇಂದು ಮತ್ತಿಷ್ಟು ಕುಸಿತ ಕಂಡು ರೂಪಾಯಿ ಮೌಲ್ಯ 68.87ಗೆ ಇಳಿಕೆ ಆಗಿತ್ತು. ನಂತರಲ್ಲಿ ಮತ್ತೆ ಕುಸಿದು ಡಾಲರ್ ಎದುರು 69.10 ರೂಪಾಯಿಗಳಿಗೆ ಇಳಿಕೆಯಾಯಿತು.