ಚಿಕ್ಕಮಗಳೂರು: ಕಾರದ ಪುಡಿ ಎರಚಿ ಮಹಿಳೆಯೊಬ್ಬರನ್ನು ಕೊಲೆ ಮಾಡಿರುವ ಘಟನೆ ತರೀಕೆರೆ ತಾಲೂಕಿನಲ್ಲಿ ದುಗ್ಲಾಪುರ ಕ್ವಾಟ್ರಸ್ ಬಳಿ ನಡೆದಿದೆ. ಶಾರದಮ್ಮ (55) ಕೊಲೆಯಾದ ಮಹಿಳೆ ಎಂದು ತಿಳಿಸದು ಬಂದಿದೆ.

ಶಾರದಮ್ಮ ಮೇಲೆ ಕಲ್ಲು ಎತ್ತಿ ಹಾಕಿ ನಿನ್ನೆ ರಾತ್ರಿ ಕೊಲೆ ಮಾಡಲಾಗಿದೆ. ಮಗಳ ಮಕ್ಕಳೊಂದಿಗೆ ಮೃತ ಶಾರದಮ್ಮ ವಾಸವಾಗಿದ್ದರು. ನಿನ್ನೆ ಶಾರದಮ್ಮಳನ್ನು ಬಿಟ್ಟು ತಾಯಿ ಮನೆಗೆ ಮಕ್ಕಳು ಹೋಗಿದ್ದಾಗ ಕೊಲೆ ನಡೆದಿದೆ. ಇನ್ನು ಮೃತ ಶಾರದಮ್ಮ ಬಡ್ಡಿ ವ್ಯವಹಾರ ನಡೆಸುತ್ತಿದ್ದರು. ಹಣದ ವ್ಯವಹಾರದ ಹಿನ್ನೆಲೆಯಲ್ಲಿ ಹತ್ಯೆ ನಡೆದಿರಬಹುದು ಎಂದು ಶಂಕಿಸಲಾಗಿದೆ. ತರೀಕೆರೆ ಪೋಲಿಸರು ಸ್ಥಳಕ್ಕೆ ಭೇಟಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.