ಕುಂದಾಪುರ: ಅಸೌಖ್ಯದಿಂದ ತಾಯಿ ಮೃತಪಟ್ಟ ಮರುದಿನವೇ ಆಕೆಯ ಪುತ್ರ ಆತ್ಮಹತ್ಯೆಗೆ ಶರಣಾದ ಘಟನೆ ಕೋಟ ವ್ಯಾಪ್ತಿಯ ಆವರ್ಸೆ ಎಂಬಲ್ಲಿ ಸೋಮವಾರ ನಡೆದಿದೆ.

ಇಲ್ಲಿನ ಹೆದ್ದಾರಿ ಮಕ್ಕಿ ನಿವಾಸಿ ಬೆಳಕು ಪೂಜಾರ್ತಿ ಅನಾರೋಗ್ಯದ ನಿಮಿತ್ತ ಭಾನುವಾರ ಮೃತಪಟ್ಟಿದ್ದರು. ಇದರಿಂದ ತೀವ್ರ ಮನನೊಂದಿದ್ದ ಪುತ್ರ ಚಂದ್ರ ಪೂಜಾರಿ(38) ಅನ್ನ ಆಹಾರ ಸೇವಿಸದೆ ಮನೆಯ ತನ್ನ ಕೋಣೆ ಸೇರಿದ್ದರು. ಸೋಮವಾರ ಬೆಳಗ್ಗೆ ಬಾಗಿಲು ತೆರೆಯಲು ಮುಂದಾದ ವೇಳೆ ಒಳಗಿನಿಂದ ಚಿಲಕ ಹಾಕಿರುವುದು ಕಂಡುಬಂದಿದೆ. ಕಿಟಕಿಯಿಂದ ಮನೆಯವರು ನೋಡುವಾಗ ಅವರು ನೇಣಿಗೆ ಶರಣಾಗಿದ್ದರು. ಸಹೋದರಿ ಬೇಬಿ ನೀಡಿರುವ ದೂರಿನಂತೆ ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ