ಕುಂದಾಪುರ: ಕುಂದಾಪುರದ ಶಾಸಕ, ಕುಂದಾಪುರದ ವಾಜಪೇಯಿ ಎಂದೆ ಖ್ಯಾತರಾದ ಹಾಲಾಡಿ ಶ್ರೀನಿವಾಸ ಶೆಟ್ಟಿಯವರನ್ನು ಏಕವಚನದಲ್ಲಿ ಟೀಕಿಸುವ ಮೂಲಕ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಲಾಡಿ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಬೈಂದೂರು ಮಾಜಿ ಶಾಸಕರನ್ನು ಹೊಗಳುತ್ತಾ, ‘ಪೂಜಾರಿಯವರು ಬಹಳಷ್ಟು ಅನುದಾನ ತಂದಿದ್ದಾರೆ. ಆದರೆ ಮತದಾರ ಅವರನ್ನು ಮತ್ತೆ ಗೆಲ್ಲಿಸಲಿಲ್ಲ. ಕೋಟಿಗಟ್ಟಲೇ ಕ್ಷೇತ್ರಕ್ಕೆ ಅನುದಾನ ತಂದಿದ್ದು ಪಕ್ಕದ ಕಷೇತ್ರದ ಯಾವ ಶಾಸಕರು ಇಷ್ಟು ಅನುದಾನ ತಂದಿದ್ದಾರೆಯೇ? ಯಾವನ್ರೀ ಅವನು ಶ್ರೀನಿವಾಸ ಶೆಟ್ಟಿ….ಅವನ ಮುಖಾನೇ ನಾನು ನೋಡಿಲ್ಲ ಎಂದು ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ ಅವರನ್ನು ಸಿದ್ದರಾಮಯ್ಯ ಏಕವಚನದಲ್ಲಿ ಹರಿಹಾಯ್ದಿದ್ದಾರೆ.

ಪ್ರಧಾನಿ ಮುಂದೆ ನಮ್ಮ ಬಿಜೆಪಿ ನಾಯಕರು ಬಾಯಿಯನ್ನೇ ಬಿಡಲ್ಲ. ನಾನೂ ಸಾಲಮನ್ನಾ ಮಾಡಿದ್ದೆ, ಸಮ್ಮಿಶ್ರ ಸರಕಾರವೂ ಮಾಡಿದೆ. ಸಾಲಮನ್ನಾ ಮಾಡೋದಕ್ಕೆ ಮೋದಿ ಅವರಿಗೇನು ರೋಗವೇ? ಎಂದು ಮೋದಿ ವಿರುದ್ಧವೂ ವಾಗ್ದಾಳಿ ನಡೆಸಿದರು.