ಬೆಂಗಳೂರು: ಆಂಬಿಡೆಂಟ್ ಡೀಲ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ರೆಡ್ಡಿ ಈಗಾಗಲೇ ಪರಪ್ಪನ ಅಗ್ರಹಾರ ಸೇರಿದ್ದಾರೆ. ಆದ್ರೆ ಜೈಲಿನ ಬಳಿಯೇ ರೆಡ್ಡಿ ಆಪ್ತ ಅಲಿಖಾನ್ ಅಂಡ್ ಟೀಂ ಬೀಡು ಬಿಟ್ಟಿದೆ.

ನಂಬರ್ ಪ್ಲೇಟ್ ಇಲ್ಲದ ಬಿಳಿಯ ಬಣ್ಣದ ಇನೋವಾ ಕಾರಿನಲ್ಲಿ ಅಲಿಖಾನ್ ಅಂಡ್ ಟೀಂ ಬಂದಿದ್ದು, ಮಾಧ್ಯಮಗಳ ಕ್ಯಾಮರಾ ಕಂಡ ಕೂಡಲೇ ಅಲ್ಲಿಂದ ಕಾಲ್ಕಿತ್ತಿದ್ದಾರೆ. ರೆಡ್ಡಿ ಜೈಲಿಗೆ ಹೋದಾಗಲಿಂದಲೂ ಜೈಲ್ ಬಳಿಯೇ ಬೀಡು ಬಿಟ್ಟು ರೆಡ್ಡಿಗೆ ಊಟ, ತಿಂಡಿಯ ವ್ಯವಸ್ಥೆ ಮಾಡಿದ್ದಾರೆ. ಇಂದು ಜಾಮೀನು ಅರ್ಜಿ ವಿಚಾರಣೆ ನಡೆಯಲಿರುವ ಹಿನ್ನೆಲೆ ಬೇಲ್ ಸಿಗುವ ನಿರೀಕ್ಷೆಯಲ್ಲಿ ರೆಡ್ಡಿ ಆಪ್ತರು ಇದ್ದಾರೆ.

ಆದ್ರೆ ನ್ಯಾಯಾಲಯಕ್ಕೆ ಆಕ್ಷೇಪ ಸಲ್ಲಿಸಿ, ಆಂಬಿಡೆಂಟ್ ಕಂಪೆನಿಯಿಂದ ಜನರ ದುಡ್ಡು ಪೋಲ್ ಆಗಿದೆ. ಅದನ್ನ ಮೊದಲು ವಾಪಸ್ ಮಾಡಿಕೊಳ್ಳಬೇಕು. ಆರೋಪಿಗೆ ಬೇಲ್ ಸಿಕ್ಕರೆ ಹಣ ಸಿಗಲ್ಲ ಎಂದು ಸಿಸಿಬಿ ವಾದ ಮಾಡಲಿದೆ ಎಂಬ ಮಾಹಿತಿ ಸಿಕ್ಕಿದೆ.