ಮಂಗಳೂರು: ಕೋರ್ಟ್ ತಡೆಯಾಜ್ಞೆಯ ಮಧ್ಯೆಯೂ ಇಂದು ನಟ ಯಶ್ ಅಭಿನಯದ ಬಹುನಿರೀಕ್ಷಿತ ಕೆಜಿಎಫ್ ಸಿನಿಮಾ ಬಿಡುಗಡೆಯಾಗಿದ್ದು, ಬೆಳಗ್ಗೆಯೇ ಮಂಗಳೂರಿನ ಜ್ಯೋತಿ ಚಿತ್ರಮಂದಿರದಲ್ಲಿ ಟಿಕೆಟ್ಗಾಗಿ ಕ್ಯೂ ನಿಂತಿದ್ದರು.

ಥಿಯೇಟರ್ ಮುಂದೆ ಭರ್ಜರಿ ಜನರು ಸೇರಿದ್ದು, ಮೊದಲ ದಿನವೇ ಚಿತ್ರ ನೋಡಬೇಕೆಂಬ ಉತ್ಸುಕತೆಯಿಂದ ಕಾಯುತ್ತಿದ್ದ ಪ್ರೇಕ್ಷಕರು ಟಿಕೆಟ್ ಸಿಗುತ್ತಿದ್ದಂತೆ ಸಂತಸದಿಂದ ಹುಚ್ಚೆದ್ದು ಕುಣಿದಾಡಿದರು. ನಟ ಯಶ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಚಿತ್ರದ ಡೈಲಾಗ್ ಗಳನ್ನು ಹೇಳಿ ತಮ್ಮ ಅಭಿಮಾನವನ್ನು ವ್ಯಕ್ತಪಡಿಸಿದರು.

ಇನ್ನೂ ನಟ ಯಶ್ ಕಟೌಟ್ ಗಳು ಚಿತ್ರ ಮಂದಿರದ ತುಂಬಾ ರಾರಾಜಿಸುತ್ತಿದ್ದವು. ಮಲ್ಟಿಪ್ಲೆಕ್ಸ್ ಥಿಯೇಟರ್ ಗಳಾದ ಪಿವಿಆರ್, ಬಿಗ್ ಸಿನಿಮಾ, ಸಿನಿಪೊಲಿಸ್ಗಳೂ ಭರ್ತಿಯಾಗಿದ್ದು, ಇಡೀ ದಿನದ ಶೋಗಳ ಟಿಕೆಟ್ ಭರ್ಜರಿ ಸೇಲ್ ಆಗಿವೆ.