ಮಂಗಳೂರು  : ಜಿಲ್ಲಾ ಸಣ್ಣ ಕೈಗಾರಿಕಾ ಸಂಘ,ಯೆಯ್ಯಾಡಿ, ಮಂಗಳೂರು ಇದರ ಮಹಿಳಾ ವಿಭಾಗದ ವತಿಯಿಂದ ದಿನಾಂಕ  ಶುಕ್ರವಾರ  ಬೆಳಿಗ್ಗೆ ಸಂಘದ ಸಭಾಂಗಣದಲ್ಲಿ ವಿಶ್ವ ಮಹಿಳಾ ದಿನಾಚರಣೆಯನ್ನು ಆಚರಿಸಲಾಯಿತು. ಮಹಿಳಾ ವಿಭಾಗದ ಸದಸ್ಯೆಯಾದ ಶ್ರೀಮತಿ ಶಾಂತಿ ಶೆಣೈಯವರು ಪ್ರಾರ್ಥನೆ ಮಾಡಿದರು. ಮಹಿಳಾ ವಿಭಾಗದ ಚೇರ್ ಪರ್ಸನ್ ರಾದ ಶ್ರೀಮತಿ ಹರಿಣ ಜೆ.ರಾವ್ ರವರು ಕಾರ್ಯಕ್ರಮಕ್ಕೆ ಬಂದ ಎಲ್ಲಾ ಅತಿಥಿಗಳನ್ನು ಮತ್ತು ಸದಸ್ಯೆಯರನ್ನು ಸ್ವಾಗತಿಸಿದರು. ಜಿಲ್ಲಾ ಸಣ್ಣ ಕೈಗಾರಿಕಾ ಸಂಘದ ಉಪಾಧ್ಯಕ್ಷೆ ಯಾದ ಶ್ರೀಮತಿ ಕುಸುಮ ಎಚ್ ದೇವಾಡಿಗ ಇವರು ಪ್ರಾಸ್ತಾವಿಕ ಭಾಷಣ ಗೈದರು.

ಕಾರ್ಯಕ್ರಮದಲ್ಲಿ ಜಿಲ್ಲಾ ಸಣ್ಣ ಕೈಗಾರಿಕಾ ಸಂಘದ ಅಧ್ಯಕ್ಷರಾದ ಶ್ರೀ ಎಂ. ಅಣ್ಣಪ್ಪ ಪೈ, ಕಾರ್ಯದರ್ಶಿ ವಿ ಕೃಷ್ಣದಾಸ್ ಕಾಮತ್ ಮತ್ತು ಉಪಾಧ್ಯಕ್ಷರಾದ ಶ್ರೀ ವಿಶಾಲ್ ಸಾಲಿಯನ್ ರವರು ಉಪಸ್ಥಿತರಿದ್ದರು. ಲಯನ್ಸ್ ಮತ್ತು ಲಿಯೋ ಕ್ಲಬ್, ನೇತ್ರಾವತಿ ಇದರ ಅಧ್ಯಕ್ಷೆ ಮತ್ತು ಸದಸ್ಯೆಯರು ಉಪಸ್ಥಿತರಿದ್ದರು .

ಶ್ರೀಮತಿ ವಾತಿಕಾ ಪೈ , ನಿಕಟ ಪೂರ್ವ ಅಧ್ಯಕ್ಷೆ, ಮೆ / ಕೆನರಾ ಚೆಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರೀ, ಇವರು ಕಾರ್ಯಕ್ರಮದ ಉದ್ಘಾಟನೆ ಮಾಡಿದರು ಲಯನ್ಸ್ ಮತ್ತು ಲಿಯೋ ಕ್ಲಬ್, ನೇತ್ರಾವತಿ ವತಿಯಿಂದ ಶ್ರೀಮತಿ ಡಾ/ಅಂಕಿತ Asst. Professor of Community Medicine, K.S. Hegde, Medical College, Deralakatte, ಇವರಿಂದ ಮಹಿಳೆಯರಿಗಾಗಿ ಕ್ಯಾನ್ಸರ್ ಜಾಗೃತಿ ಬಗ್ಗೆ ಮಾಹಿತಿಯನ್ನು ನೀಡಲಾಯಿತು . ಕಾರ್ಯಕ್ರಮದಲ್ಲಿ ಯಶಸ್ವಿ ಮಹಿಳೆಯವರಾದ ಶ್ರೀಮತಿ ಶಾoತಿ ಪೈ ಮತ್ತು ಶ್ಯಾಮಲ ಶೆಣೈ ಇವರನ್ನು ಸನ್ಮಾನಿಸಲಾಯಿತು. ಶ್ರೀಮತಿ ಶಾರದಾ ವಸಂತ್ ನಿರೂಪಣೆ ಗೈದರು ಶ್ರೀಮತಿ ಶ್ಯಾಮಲ ಶಾಸ್ತ್ರಿ ಯವರು ವಂದನಾರ್ಪಣೆ ಗೈದರು.