ಮಂಗಳೂರು : ಅಕ್ಟೋಬರ್ 12 ಶುಕ್ರವಾರ ರಂದು ನಗರದ ಕಪಿತಾನಿಯೊ ಹೈಸ್ಕೂಲ್ ನ ನಾಪತ್ತೆಯಾಗಿದ್ದ ನಾಲ್ಕು ಬಾಲಕಿಯರನ್ನು ಇಂದು ಮುಂಜಾನೆ ನಗರದ ಇಎಸ್ಐ ಆಸ್ಪತ್ರೆಯ ಶಿವಬಾಗ್ ಬಳಿಯ ಮಹಿಳೆಯೊಬ್ಬರ ಮನೆಯಲ್ಲಿ ಪತ್ತೆ ಹಚ್ಚಲಾಗಿದೆ.

ಪ್ರಕ್ಷಿತಾ, ಲಾವಣ್ಯ, ಧನ್ಯ, ನಿಶ್ಮಿತಾ 8 ನೇ ತರಗತಿಯ ವಿದ್ಯಾರ್ಥಿನಿಯರಾಗಿದ್ದು ಶುಕ್ರವಾರ ಸಂಜೆ ಶಾಲೆ ಬಿಟ್ಟ ಬಳಿಕ ಮನೆಗೆ ಹಿಂದಿರುಗದ ಕಾರಣ ಆತಂಕಗೊಂಡ ಮನೆಯವರು ಸಂಜೆ ವೇಳೆ ಗ್ರಾಮಾಂತರ ಪೋಲಿಸ್ ಠಾಣೆಗೆ ತೆರಳಿ ದೂರು ಸಲ್ಲಿಸಿದ್ದರು. ಪೋಲೀಸರು ಕೂಡಲೆ ಕಾರ್ಯಪ್ರವೃತ್ತರಾಗಿ ಶೋಧ ಕಾರ್ಯ ಆರಂಭಿಸಿದ್ದರು. ಅದರಂತೆ ಪೋಲೀಸರು ವಿದ್ಯಾರ್ಥಿನಿಯರನ್ನು ಪತ್ತೆಹಚ್ಹಿ ತಮ್ಮ ವಶಕ್ಕೆ ತೆಗೆದುಕೊಂಡು ನಂತರ ಅವರವರ ಮನೆಗಳಿಗೆ ಮರಳಿ ಕಳುಹಿಸಕೊಡಲಾಯಿತು.

ಪರೀಕ್ಷೆ ಯಲ್ಲಿ ಕಡಿಮೆ ಅಂಕ ಬಂದ ಕಾರಣ ಈ ನಾಲ್ಕು ಮಂದಿ ಮನೆಬಿಟ್ಟು ಹೋಗಲು ನಿರ್ಧರಿಸಿದಾಗಿ ಪೋಲಿಸರ ಬಳಿ ಹೇಳಿಕೊಂಡಿದ್ದಾರೆ.